आंतरराष्ट्रीय क्रिकेटमध्ये आइसलंड क्रिकेट (iceland cricket) संघाचे नाव खूपच कमी ऐकायला मिळते. या संघाने आंतरराष्ट्रीय क्रिकेटमध्ये जास्त खास कामगिरी केलेली नाही. परंतु आइसलंड क्रिकेट सोशल मीडियावर अनेकदा चर्चेचा विषय ठरते. आइसलंड क्रिकेट असोसिएशन द्वारे संचालित आइसलंड क्रिकेट हे ट्वीटर हँडल तांच्या मजेदार ट्वीटसाठी प्रसिद्ध आहे. आता त्यांनी भारताचा दिग्गज फिरकी गोलंदाज रविचंद्रन अश्विन (ravichandran ashwin) विषयी एक मजेदार ट्वीट केले आहे.
आइसलंड क्रिकेटचे ट्वीटर हँडल त्यांच्या गमतीशीर ट्वीट्ससाठी नेहमीच चर्चेत असते. चाहत्यांनी मोठ्या संखेत त्यांना फॉलो केले आहे. शक्रवारी (२४ डिसेंबर) त्यांनी रविचंद्रन अश्विन आणि दिग्गज डॉन ब्रॅडमन यांच्याविषयी एक खास ट्वीट केले. हे ट्वीट चाहत्यांना देखील खूप आवडल्याचे पाहायला मिळत आहे.
आइसलंड क्रिकेटने ट्वीटमध्ये लिहिले की, “जीवनात प्रसंग आणि नशीब हेच सर्वकाही आहे. जर रविचंद्रन अश्विन श्रीलंकामध्ये जन्मला असता, तर त्याने कदाचीत मुरलीधरन एवढ्या विकेट्सने त्याच्या कारकिर्दीचा शेवट केला असता. जर डॉन ब्रॅडमन आइसलंडमध्ये जन्मले असते, तर त्यांची एकही आंतरराष्ट्रीय धाव नसती आणि एक लहान माशेमार असते. हेच आयुष्य आहे.”
Context and luck is everything in life. If Ravi Ashwin had been born in Sri Lanka, he would probably end his career with as many wickets as Muralitharan. If Don Bradman had been born in Iceland, he'd have scored no international runs and been a below par fisherman. That's life.
— Iceland Cricket (@icelandcricket) December 24, 2021
हेही वाचा- क्रिकेट कारकिर्द धोक्यात असताना अश्विनसाठी देवासारखा धावून आलेला धोनी! दिलेला ‘कामाचा सल्ला’
