तब्बल ८९ वर्षांची प्रतीक्षा अखेर संपणार! भारतीय संघाकडे ‘हा’ विक्रम करण्याची संधी

भारत विरुद्ध इंग्लंड या दोन्ही बलाढ्य संघांमध्ये ५ कसोटी सामन्यांच्या मालिकेतील पहिला कसोटी सामना ट्रेंट ब्रिजच्या मैदानावर खेळला जात आहे. या सामन्यात भारतीय संघाला विजय मिळवण्याची सुवर्णसंधी आहे. पाचव्या दिवशी (८ ऑगस्ट) भारतीय संघाला विजयासाठी अवघ्या १५८ धावांची आवश्यकता आहे आणि ९ गडी शिल्लक आहे. त्यामुळे भारतीय संघाचा विजय जवळजवळ निश्चित आहे. हा विजय मिळवून भारतीय संघाला आघाडी तर मिळणार आहे. यासह भारतीय संघाची ८९ वर्षांपासूनची प्रतीक्षा देखील संपणार आहे.

भारतीय संघाने आतापर्यंत एकूण १३२ कसोटी सामने खेळले आहेत. त्यापैकी इंग्लंडमध्ये हा भारतीय संघाचा ६३ वा कसोटी सामना आहे. ज्यामध्ये भारतीय संघाला ७ कसोटी सामन्यात विजय मिळवण्यात यश आले आहे, तर ३४ सामन्यात पराभवाचा सामना करावा लागला आहे. यापैकी २१ सामने हे अनिर्णित राहिले होते. भारतीय संघाने इंग्लंडच्या ७ मैदानांवर कसोटी सामने खेळले आहेत. परंतु या मैदानांवर त्यांना साजेशी कामगिरी करण्यात अपयश आले आहे. परंतु पहिल्यांदाच इंग्लंडच्या एका मैदानावर पराभवापेक्षा जास्त विजय मिळवण्यात भारतीय संघाला यश मिळू शकते.

हे पहिलेच मैदान असेल जिथे पराभवापेक्षा जास्त विजय मिळवू शकतो भारतीय संघ
भारतीय संघाला जर नॉटिंघमच्या मैदानावर विजय मिळवण्यात यश आले, तर हा भारतीय संघाचा नॉटिंघमच्या मैदानावर ८ सामन्यांपैकी तिसरा विजय असेल. या मैदानावर भारतीय संघाला २ वेळेस पराभवाचा सामना करावा लागला आहे. तसेच ३ सामने अनिर्णीत राहिले आहेत. या सामन्यात विजय मिळवताच या सामन्यात पराभवापेक्षा जास्त विजयाची नोंद होईल. (If indian team register their win in first test against England, they can set record for most wins in Nottingham)

इंग्लंडच्या इतर मैदानातील कामगिरीबद्दल बोलायचं झालं, तर भारतीय संघाने लीड्समध्ये ६ सामने खेळले आहेत. ज्यामध्ये त्यांना २ सामन्यात विजय, तर ४ सामन्यात पराभवाचा सामना करावा लागला आहे. तसेच लॉर्ड्सच्या मैदानावर भारतीय संघाने १८ कसोटी सामने खेळले आहेत. ज्यामध्ये भारतीय संघाला २ सामन्यात विजय मिळवण्यात यश आले आहे, तर १२ सामन्यांमध्ये पराभवाचा सामना करावा लागला आहे. तसेच ओव्हलच्या मैदानावर भारतीय संघाने १३ कसोटी सामने खेळले आहेत. ज्यामध्ये भारतीय संघाला एका सामन्यात विजय मिळवता आला आहे, तर उर्वरित ५ सामन्यात पराभवाचा सामना करावा लागला आहे. तसेच ३ मैदानांवर भारतीय संघाला एकही सामना जिंकता आला नाही.

महत्त्वाच्या बातम्या-

-बिचारा कोहली! नॉटिंघम कसोटीत इंग्लंडच्या प्रेक्षकांचा उर्मटपणा, ‘या’ गोष्टीवरून उडवली भरपूर खिल्ली

-रिषभच्या छोटेखानी खेळीचा ‘हा’ पाकिस्तानी दिग्गजची बनला चाहता, केलं तोंडभरुन कौतुक

-IND vs ENG: रोहितचा कसोटी संघातून कटणार पत्ता? ‘हा’ युवा खेळाडू राहुलसह करणार ओपनिंग