IPL 2025 आयपीएल प्लेऑफसाठी चार संघ आधीच निश्चित झाले, तर आता स्पर्धेतून बाहेर पडलेल्या संघांची नावे देखील निश्चित झाली होती. दरम्यान, आता असे सहा संघ आहेत ज्यांनी त्यांचे सर्व लीग सामने खेळले आहेत. दरम्यान गुणतालिकेत कोणता संघ पहिले स्थान मिळवेल हे अद्याप माहित नसले तरी, कोणता संघ तळाशी आहे हे उघड झाले आहे. हा दुसरा तिसरा कोणी नसून पाच वेळेसचा चॅम्पियन सीएसके संघ आहे. Chennai Super Kings (CSK) जो यावेळी एमएस धोनीच्या नेतृत्वाखाली खेळत होता. CSK bottom position first time
आयपीएलच्या जवळजवळ वर्षांच्या इतिहासात चेन्नई सुपर किंग्ज आयपीएल पॉइंट टेबलच्या तळाशी राहण्याची ही पहिलीच वेळ आहे. CSK at bottom of points table यापूर्वी कधीही असे घडले नव्हते. चेन्नईने शेवटच्या लीग सामन्यात गुजरात टायटन्सचा 83 धावांच्या मोठ्या फरकाने पराभव केला होता, परंतु त्याचा पॉइंट टेबलवर कोणताही परिणाम झाला नाही. जर संघ यापेक्षा मोठा विजय नोंदवू शकला असता, तर कदाचित संघ नवव्या स्थानावर पोहोचू शकला असता, परंतु असे झाले नाही.
चेन्नईने या वर्षी आयपीएलमध्ये खेळलेल्या 14 सामन्यांपैकी फक्त चार जिंकले आहेत. तर 10 सामन्यात पराभव पत्करला आहे. म्हणजेच संघाचे एकूण 8 गुण आहेत. राजस्थान रॉयल्ससोबतही जवळजवळ अशीच परिस्थिती घडली. त्यांनीही 14 सामन्यांपैकी चार जिंकले आणि फक्त आठ गुण मिळवू शकले. परंतु राजस्थान रॉयल्सचा नेट रन रेट चेन्नई सुपर किंग्जपेक्षा थोडा चांगला आहे, त्यामुळे राजस्थानने या हंगामात नवव्या स्थानावर आणि सीएसकेने दहाव्या स्थानावर संपवले आहे.
या हंगामाच्या सुरुवातीला धोनी या संघाचा कर्णधार नव्हता. Captain MS Dhoni हंगामाच्या सुरुवातीला ऋतुराज गायकवाड कर्णधारपद सांभाळत होता, परंतु अचानक तो दुखापतग्रस्त झाला, ज्यामुळे त्याला बाहेर पडावे लागले. सीएसकेकडे कर्णधारपदासाठी कोणताही पर्याय नव्हता, म्हणून धोनीला पुन्हा कर्णधारपद स्वीकारावे लागले. कर्णधार म्हणून आतापर्यंत पाच आयपीएल जेतेपदे जिंकणाऱ्या धोनीच्या कारकिर्दीवर एक कलंक असा आहे की त्याच्या नेतृत्वाखाली संघ आयपीएलच्या या हंगामात शेवटच्या स्थानावर राहिला. आता पुढील वर्षी संघाची धुरा कोण सांभाळेल आणि धोनी पुढच्या वर्षीही खेळताना दिसेल की तो खेळणार हे पाहावे लागेल.
