एकदिवसीय क्रिकेटची सुरुवात 1971 मध्ये झाली. तेव्हापासून आजपर्यंत या फॉरमॅटमध्ये एकूण 12 वेळा द्विशतके झळकावली आहेत. आश्चर्याची बाब म्हणजे यापैकी भारतीय कर्णधार रोहित शर्माने तीन वेळा द्विशतक झळकावले आहे. वनडेमध्ये पहिले शतक झळकावण्याचा विक्रमही भारताचा माजी दिग्गज क्रिकेटपटू सचिन तेंडुलकरच्या नावावर आहे. ‘क्रिकेटचा देव’ म्हणून प्रसिद्ध असलेल्या सचिन तेंडुलकरने 2010 मध्ये दक्षिण आफ्रिकेविरुद्ध हा विक्रम केला होता. चला तर या बातमीद्वारे जाणून घेऊयात वनडेमध्ये द्विशतके झळकावलेले फलंदाज.
1- रोहित शर्मा- भारतीय क्रिकेट संघाचा कर्णधार रोहित शर्माच्या नावावर वनडे सामन्यात सर्वाधिक धावा करण्याचा विक्रमही आहे. रोहितने 2014 मध्ये श्रीलंकेविरुद्ध 264 धावांची खेळी खेळून विश्वविक्रम केला होता.
२- मार्टिन गप्टिल- न्यूझीलंडचा माजी सलामीवीर मार्टिन गप्टिलनेही वनडेत द्विशतक झळकावले आहे. गुप्टिलने 2015 च्या एकदिवसीय विश्वचषक स्पर्धेत वेस्ट इंडिजविरुद्ध 237 धावांची नाबाद खेळी खेळली होती.
3- वीरेंद्र सेहवाग- भारताचा सर्वात स्फोटक सलामीवीर वीरेंद्र सेहवागने 2011 मध्ये ही कामगिरी केली होती. वनडेत द्विशतक झळकावणारा सेहवाग दुसरा फलंदाज ठरला. सेहवागने वेस्ट इंडिजविरुद्ध 219 धावांची इनिंग खेळली होती.
4- ख्रिस गेल- 2015 मध्ये वेस्ट इंडिजचा दिग्गज सलामीवीर ख्रिस गेलने 215 धावांची इनिंग खेळली होती. एकदिवसीय सामन्यात भारतीय नसलेल्या खेळाडूने द्विशतक झळकावण्याची ही पहिलीच वेळ होती.
5- फखर जमान- पाकिस्तानचा सलामीवीर फखर जमाननेही एकदिवसीय क्रिकेटमध्ये द्विशतक झळकावले आहे. झमानने 2018 मध्ये झिम्बाब्वेविरुद्ध ही कामगिरी केली होती. फखर व्यतिरिक्त एकाही पाकिस्तानी खेळाडूने वनडेमध्ये द्विशतक झळकावलेले नाही.
6- पाथुम निसांका- श्रीलंकेच्या पथुम निसांकाने त्याच वर्षी म्हणजेच 2024 मध्ये अफगाणिस्तानविरुद्ध 210 धावांची नाबाद इनिंग खेळली होती. वनडेत द्विशतक झळकावणारा तो एकमेव श्रीलंकेचा फलंदाज आहे.
7- ईशान किशन- युवा यष्टिरक्षक फलंदाज ईशान किशननेही वनडेत द्विशतक झळकावले आहे. ईशानने 2022 मध्ये बांगलादेशविरुद्ध 210 धावांची इनिंग खेळली होती.
8- रोहित शर्मा- 2013 मध्ये रोहित शर्माने ऑस्ट्रेलियाविरुद्धही द्विशतक झळकावले होते. ज्यामध्ये हिटमॅनने 209 धावांची इनिंग खेळली होती.
9- रोहित शर्मा- रोहितने 2017 मध्ये श्रीलंकेविरुद्ध पुन्हा द्विशतक झळकावले. यावेळी रोहितने 208 धावांची नाबाद खेळी खेळली.
10- शुबमन गिल- भारतीय संघाचा उपकर्णधार शुबमन गिलने गेल्या वर्षी 2023 मध्ये द्विशतक झळकावले होते. गिलने न्यूझीलंडविरुद्ध २०८ धावांची इनिंग खेळली होती.
11- ग्लेन मॅक्सवेल- ऑस्ट्रेलियाचा स्फोटक फलंदाज ग्लेन मॅक्सवेलने एकदिवसीय सामन्यात द्विशतक झळकावल्याने सर्वांनाच आश्चर्याचा धक्का बसला. वास्तविक, मॅक्सवेलने दुसऱ्या डावात द्विशतक झळकावले. 2023 च्या विश्वचषकात मॅक्सवेलने अफगाणिस्तानविरुद्ध 201 धावांची मॅचविनिंग इनिंग केली होती. विशेषत; या सामन्यात त्याच्या पायाला हॅम स्ट्रींग आले असताना देखील तो शेवटपर्यंत लढला होता.
12- सचिन तेंडुलकर- ‘क्रिकेटचा देव’ म्हणून प्रसिद्ध असलेल्या सचिन तेंडुलकरने 2010 मध्ये दक्षिण आफ्रिकेविरुद्ध द्विशतक झळकावले होते. वनडेमध्ये द्विशतक झळकावणारा तो जगातील पहिला फलंदाज ठरला आहे.
हेही वाचा-
बाबर आझमच्या बत्या गुल! शून्यवर बाद होताच सोशल मीडियावर ठरला बळीचा बकरा
“मी अँडरसन सारखा नाही जो 40…” ऑस्ट्रेलियाच्या दिग्गजाचं खळबळजनक वक्तव्य!
विराट कोहली खरंच बदलला आहे का? पियुष चावलाचा मोठा गाैप्यस्फोट!
