यंदाच्या बॉर्डर-गावस्कर ट्रॉफीमध्ये भारत विरुद्ध ऑस्ट्रेलिया यांच्यातील पाचवा आणि शेवटचा सामना 3 जानेवारीपासून सिडनी येथे खेळवला जाईल. त्याआधी ऑस्ट्रेलियाने आपले प्लेइंग इलेव्हन जाहीर केले आहे. कांगारू संघात मोठा बदल झाला आहे. कारण 31 वर्षीय वेगवान गोलंदाज अष्टपैलू ब्यू वेबस्टर मिचेल मार्शची जागा घेणार आहे. दरम्यान, टीम इंडियाच्या प्लेइंग इलेव्हनमध्ये बदल होण्याची शक्यता आहे. चला तर मग जाणून घेऊया कांगारू संघाच्या घोषणेनंतर भारत कोणत्या प्लेइंग इलेव्हनसह सिडनीमध्ये मैदानात उतरू शकतो.
काही मीडिया रिपोर्ट्सनुसार, आकाशदीपला सिडनी कसोटीपूर्वी दुखापत झाली आहे. त्याला पाठदुखीचा त्रास होत आहे. दुसरीकडे, मेलबर्न कसोटीत रिषभ पंतने जबाबदारी समजून न घेता मोठे फटके खेळताना आपली विकेट गमावली. ज्यामुळे सिडनी कसोटीत आता त्याची खेळण्याची शक्यता कमी आहे. त्याच्या जागी ध्रुव जुरेलला प्लेइंग इलेव्हनमध्ये संधी मिळू शकते. अशी अटकळ बांधली जात आहे. दुसरीकडे, दुखापतग्रस्त आकाशदीपच्या जागी हर्षित राणा प्लेइंग इलेव्हनमध्ये परतण्याची शक्यता आहे.
दुसरीकडे ऑस्ट्रेलियाने सिडनी कसोटीसाठी केवळ एक बदल केला आहे. खराब फॉर्ममुळे मिचेल मार्शला संघातून वगळण्यात आले असून, त्याच्या जागी ब्यू वेबस्टर संघात खेळणार आहे. मेलबर्न कसोटीच्या पहिल्या डावात 60 धावांची धडाकेबाज खेळी खेळून खळबळ उडवून देणाऱ्या सॅम कॉन्स्टासने प्लेईंग इलेव्हनमध्ये आपले स्थान राखून ठेवले आहे.
ऑस्ट्रेलियाचे प्लेइंग इलेव्हन जाहीर: सॅम कॉन्स्टास, उस्मान ख्वाजा, मार्नस लॅबुशेन, स्टीव्ह स्मिथ, ट्रॅव्हिस हेड, ब्यू वेबस्टर, ॲलेक्स कॅरी, पॅट कमिन्स, मिचेल स्टार्क, नॅथन लियॉन, स्कॉट बोलँड.
सिडनी कसोटीसाठी भारताची संभाव्य प्लेइंग इलेव्हन: यशस्वी जयस्वाल, रोहित शर्मा, केएल राहुल, विराट कोहली, ध्रुव जुरेल, नितीश कुमार रेड्डी, रवींद्र जडेजा, जसप्रीत बुमराह, वॉशिंग्टन सुंदर, मोहम्मद सिराज आणि हर्षित राणा
हेही वाचा-
रोहित शर्माला सिडनी कसोटीतून वगळणार? गौतम गंभीरच्या या उत्तराने सगळेच थक्क
जसप्रीत बुमराह सिडनी कसोटीत एकाच वेळी अनेक विक्रम मोडणार, कपिल देवही मागे राहणार
IND VS AUS; सिडनी कसोटीसाठी प्लेइंग इलेव्हनची घोषणा, या अष्टपैलू खेळाडूला वगळले
