चाहते ज्याच्या आंतरराष्ट्रीय क्रिकेटमध्ये पुनरागमनाची आतुरतेने वाट पाहत होते, तो रोहित शर्मा ऑस्ट्रेलियाविरुद्धच्या तीन सामन्यांच्या एकदिवसीय मालिकेत आपला शानदार फाॅर्म दाखवला. पर्थमधील पहिल्या सामन्यात रोहितने चांगली कामगिरी केली नसली तरी, अॅडलेड वनडेमध्ये त्याने अर्धशतक झळकावले. त्यानंतर, सिडनीमध्ये मालिकेतील शेवटच्या एकदिवसीय सामन्यात शतक ठोकून त्याने टीकाकारांना चोख प्रत्युत्तर दिले. रोहितने सिडनी वनडेमध्ये नाबाद 121 धावा करत अनेक विक्रम मोडले. सामन्यानंतर त्याने एक महत्त्वपूर्ण विधानही केले.
ऑस्ट्रेलियाविरुद्ध सिडनी वनडे जिंकल्यानंतर, रोहित शर्माने ब्रॉडकास्टरला सांगितले, “ऑस्ट्रेलियात येऊन तुम्ही नेहमीच आव्हानात्मक सामन्यांची अपेक्षा करता, कारण इथल्या परिस्थिती आणि गोलंदाज दोन्ही कठीण असतात. तुम्हाला हवामान आणि विकेट समजून खेळावं लागतं. मी बराच काळ खेळलो नव्हतो, पण या मालिकेसाठी मी खूप तयारी केली होती. आत्मविश्वास होता आणि त्याचाच फायदा घेतला. जरी आम्ही मालिका जिंकू शकलो नाही, तरी आमच्या तरुण खेळाडूंनी चांगली कामगिरी केली. त्यांच्या पहिल्या ऑस्ट्रेलिया दौऱ्यावर ते शिकत आहेत, हेच सकारात्मक आहे.”
रोहितने त्याच्या निवेदनात पुढे म्हटले की, “मला ऑस्ट्रेलियामध्ये खेळायला खूप आवडते आणि मला सिडनीमध्ये क्रिकेट खेळायला खूप मजा आली. मी जे करतो ते मला आवडते आणि मी तेच करत राहण्याची आशा करतो. मला माहित नाही की आम्ही येथे परत येऊ की नाही, परंतु मी प्रत्येक क्षणाचा पूर्णपणे आनंद घेतला.” गेल्या काही वर्षांत आम्हाला मिळालेल्या सर्व कौतुकांना न जुमानता, आम्हाला क्रिकेट खेळण्याचा खूप आनंद झाला आहे. मला नेहमीच येथे खेळायला आवडले आहे. धन्यवाद, ऑस्ट्रेलिया.
