हार्दिकने केली विराट, रोहितसाठी शिवीगाळ? जाणून घ्या नक्की काय झाले

भारतीय संघाचा दिग्गज अष्टपैलू हार्दिक पंड्या सध्या त्याच्या अप्रतिम फॉर्ममध्ये आहे. मागच्या वर्षी टी-२० विश्वचषकानंतर हार्दिकने मोठी विश्रांती घेतली होती, त्यानंतर आयपीएल २०२२ पासून हार्दिक त्याच्या जुन्या अंदाजात परतल्याचे दिसत आहे. मधल्या काळात हार्दिकने आयर्लंडविरुद्धच्या विजयी टी-२० मालिकेत संघाचे नेतृत्वही केले. सध्या हार्दिकचा एक व्हिडिओ सोशल मीडियावर व्हायरल होत आहे. नेटकरी असा दावा करत आहेत की, हार्दिकने सामन्यादरम्यान विराट किंवा रोहितसाठी अपशब्द वापरला आहे.

व्हिडिओ शेअर करत असे सांगितले जात आहे की, हार्दिक पंड्या (Hardik Pandya) याने इंग्लंडविरुद्धच्या दुसऱ्या टी-२० सामन्यात रोहित शर्मा (Rohit Sharma) किंवा विराट कोहली (Virat Kohli) यांच्यासाठी अपशब्द वापरला आहे. सोशल मीडियावर #HardikAbusedRohit असा ट्रेंडही सुरू आहे. या व्हिडिओत हार्दिकचा आवाज स्पष्ट ऐकू येत नाहीये. याच कारणास्तव अशी पुष्टी करणे शक्य नाहीये की, हार्दिकने सामन्यादरम्यान असे कुठलेही कृत्य केले आहे.