मुंबईतील वानखेडे स्टेडियमवर कसोटी मालिकेतील तिसऱ्या सामन्यात भारत आणि न्यूझीलंड संघ आमनेसामने आहेत. दोन दिवसांच्या खेळानंतर हा सामना आता खूपच रोमांचक झाला आहे. दुसऱ्या दिवसाचा खेळ संपेपर्यंत न्यूझीलंडने 9 गडी गमावून 171 धावा केल्या. आता संघाची आघाडी 143 धावांवर पोहोचली आहे. ही धावसंख्या फार मोठी नसली तरी, मुंबई कसोटीत टीम इंडियावर पराभवाचे सावट आहे.
आतापर्यंत वानखेडेच्या या खेळपट्टीवर फिरकी गोलंदाजांचे वर्चस्व राहिले आहे. भारतासाठी पहिल्या डावात रवींद्र जडेजाने आपला पंजा उघडला आणि वॉशिंग्टन सुंदरनेही 4 बळी घेतले. त्यानंतर एजाज पटेलने भारतीय संघाच्या पहिल्या डावात 5 विकेट्स घेण्यात यश मिळवले. अश्विन आणि जडेजाच्या फिरकीची जादू न्यूझीलंडच्या दुसऱ्या डावातही कायम राहिली. टीम इंडिया तिसऱ्या दिवशी फलंदाजीसाठी उतरेल तेव्हा फिरकी गोलंदाजीसमोर फलंदाजी करणे त्यांच्यासाठी सोपे नसेल.
तसेच वानखेडे स्टेडियममध्ये 100 धावांच्या वरच्या लक्ष्याचा पाठलाग करणे खूप कठीण आहे. कसोटी क्रिकेटच्या इतिहासात आतापर्यंत या खेळपट्टीवर चौथ्या डावात 100 धावांच्या वरच्या लक्ष्याचा पाठलाग करण्यात एकच संघ यशस्वी ठरला आहे आणि त्या संघाचे नाव आहे दक्षिण आफ्रिका.
Highest successful run chase at Wankhede in 4th innings was 163 runs by South Africa in 2000.
— Vijay Anaparthi (@VijayCricketFan) November 2, 2024
2000 मध्ये या वानखेडेच्या खेळपट्टीवर दक्षिण आफ्रिकेच्या संघाने चौथ्या डावात 164 धावांच्या लक्ष्याचा यशस्वी पाठलाग केला होता. त्यानंतर या खेळपट्टीवर चौथ्या डावात पाठलाग केलेले दुसरे सर्वोच्च लक्ष्य 98 धावांचे आहे. इंग्लंड संघाने 1980 मध्ये ही कामगिरी केली होती. वानखेडे स्टेडियमवर चौथ्या डावात भारतीय संघाने दिलेले सर्वात मोठे लक्ष्य 51 धावांचे आहे.
हा विक्रम पाहता 143 धावांची आघाडी मिळाल्याने न्यूझीलंडला खूप आनंद होईल असे म्हणणे चुकीचे ठरणार नाही. न्यूझीलंडकडे अजून एक विकेट शिल्लक आहे आणि ती तिसऱ्या दिवशी आघाडी वाढवण्याचा प्रयत्न करेल. त्याचबरोबर मुंबई कसोटी जिंकण्यासाठी भारतीय फलंदाजांना जबाबदारीने खेळावे लागणार आहे.
हेही वाचा-
IND VS NZ; रवींद्र जडेजाची कमाल, WTC मध्ये अशी कामगिरी करणारा केवळ दुसरा भारतीय
फक्त 37वा सामना… पंतने मोडला धोनीचा कसोटी विक्रम, गिलख्रिस्टचा विश्वविक्रमही धोक्यात!
शतक हुकल्यानंतरही शुबमन गिलने केली कमाल, कसोटीत केला ‘हा’ पराक्रम
