भारत विरुद्ध दक्षिण आफ्रिका यांच्यात खेळवल्या जाणाऱ्या चार सामन्यांच्या टी20 मालिकेतील दुसऱ्या सामन्यात यजमान संघाने 1-1 ने बरोबरी केली. दुसऱ्या टी20 सामन्यात टीम इंडियाचा 3 विकेट्सने पराभव झाला. ज्यामध्ये भारतीय संघाचे फलंदाज पूर्णपणे फ्लाॅप ठरले. दरम्यान आता उभय संघातील तिसरा सामना उद्या म्हणजेच (13 नोव्हेंबर) रोजी सेंच्युरियनच्या मैदानावर खेळवला जाणार आहे. दुसऱ्या टी20 सामन्याच्या पराभवामुळे आता टीम इंडियाच्या प्लेइंग 11 बदलण्याची शक्यता आहे.
सलामीवीर अभिषेक शर्माची फाॅर्म टीम इंडीयासाठी मोठी चिंता आहे. त्याने आतापर्यंत मालिकेत आपल्या लयीत दिसला नाहीये. दोन सामन्यात त्याने केवळ 11 धावा केल्या आहेत. दुसरीकडे पहिल्या सामन्यात संजू सॅमसनने शतक झळकावले. त्याने 107 धावांची शानदार खेळी खेळली होती. पण दुसऱ्या सामन्यात त्याची बॅट तपळली नाही. ज्यामध्ये शुन्य धावावर बाद झाला. तिसऱ्या सामन्यात आणखी एकदा हीच सलामी जोडी पाहायला मिळेल. तर तिसऱ्या क्रमांकावर सूर्यकुमार यादवचे स्थान पक्के आहे. या मालिकेत तो देखील लयीत दिसला नाहीये.
दुसऱ्या टी20 सामन्यात भारतीय फलंदाज धावा तर सोडाच क्रीझवर थांबण्यासाठी देखील झगडत होते. फलंदाजांच्या खराब फॉर्मची किंमत टीम इंडियाला सामना गमावून चुकवावी लागली. अशा स्थितीत तिसऱ्या टी20 साठी मधल्या फळीत बदल होऊ शकतात. रिंकू सिंग, हार्दिक पांड्या आणि रमणदीप सिंग यांना संधी मिळू शकते. अलीकडेच रमणदीपने इमर्जिंग आशिया कपमध्ये चांगली कामगिरी केली आणि क्षेत्ररक्षण करताना अनेक करिष्माई झेल घेतले. अशा स्थितीत त्याला पदार्पणाची संधी मिळू शकते.
दुसरीकडे आवेश खान दुसऱ्या टी20 सामन्यात गोलंदाजी करताना चांगलाच महागडा ठरला. त्याने आपल्या तीन षटकांत 23 धावा दिल्या आणि एकही बळी घेता आला नाही. अशा स्थितीत त्यांच्या जागी विजय कुमार वैशाखला संधी मिळू शकते. तो अर्शदीप सिंगसोबत झळकणार आहे. फिरकी विभागाची जबाबदारी अक्षर पटेल, वरुण चक्रवर्ती आणि रवी बिश्नोई यांच्याकडे सोपवली जाऊ शकते. वरुणने दुसऱ्या टी 20 सामन्यात 5 विकेट्स घेत खळबळ उडवून दिली होती.
तिसऱ्या टी20 सामन्यासाठी भारतीय संघातील संभाव्य प्लेइंग इलेव्हन:
सूर्यकुमार यादव (कर्णधार), संजू सॅमसन, अभिषेक शर्मा, रिंकू सिंग, हार्दिक पांड्या, रमणदीप सिंग, अक्षर पटेल, वरुण चक्रवर्ती, रवी बिश्नोई, विजय कुमार वैशाक, अर्शदीप सिंग
हेही वाचा-
अफगाणिस्तानच्या फलंदाजाची कमाल, याबाबतीत विराट कोहली सचिन तेंडुलकरलाही टाकले मागे
Champions Trophy 2025; पाकिस्तानने नकार दिल्यास या देशात होणार चॅम्पियन्स ट्रॉफी, मोठा खुलासा
BGT 2024-25; शार्दुल ठाकुरच्या जागी नितीश रेड्डीला संधी का? गौतम गंभीरने स्पष्टच सांगितले
