गौतम गंभीरने दाखवली विराटच्या फलंदाजीतील चूक, सांगितलं कशामुळे हुकतेय शतकाची संधी

भारतीय संघाचा माजी कर्णधार विराट कोहली (Virat Kohli) श्रीलंकेविरुद्धच्या पहिल्या कसोटीच्या पहिल्या डावात ४५ धावा करून बाद झाला. विराटने या सामन्यात मोठी खेळी करणे अपेक्षित होते, कारण हा त्याच्या कारकिर्दीतील १०० वा कसोटी सामना आहे. विराटने डावची सुरुवात चांगली केली, पण शतक करण्यापासून पुन्हा एकदा चुकला आहे. विराट बाद झाल्यानंतर भारताचा माजी सलामीवीर फलंदाज गौतम गंभीर (Goutam Gambhir) याने मोठी प्रतिक्रिया दिली आहे.

विराटने विकेट गमावल्यानंतर गंभीर जोर देऊन म्हणाला की, जेव्हा फिरकी गोलंदाजांचा सामना करण्याची वेळ येते, तेव्हा विराटसहीत सर्व भारतीय फलंदाजांपुढे अडचण निर्माण होते.

स्टार स्पोर्टवर बोलताना गंभीर म्हणाला की, “सर्वात मोठी चिंतेची गोष्ट ही आहे की, बॅट पॅडच्या रेषेत आहे. जेव्हा असे असते, तेव्हा असा चेंडू खेळणे अवघड होऊन बसते, जो वळतो आणि जो वळत नाही. जर तुम्ही बॅटला पॅडच्या पुढे ठेवले, तर चेंडू केवळ तुमच्या बॅटच्या कडा लागतो. मयंक अगरवाल ज्याप्रकारे बाद झाला, ते पाहिले, तर चेंडू त्याच्या बॅटच्या आतल्या बाजूला लागला. पण विराट कोहलीच्या बाबतीत चेंडूने बॅटचा बाहेरची कड घेतली. त्यामुळेच तुमची बॅट पॅडच्या पुढे पाहिजे.”