भारतीय टी20 संघाचा कर्णधार सूर्यकुमार यादवने रोहित शर्माच्या नेतृत्वाखालील संघाला न्यूझीलंडविरुद्धच्या आयसीसी चॅम्पियन्स ट्रॉफीच्या अंतिम सामन्यासाठी शुभेच्छा दिल्या आहेत. त्याने रोहित शर्माच्या तंदुरुस्तीचे आणि अलिकडेच कर्णधार म्हणून दिलेल्या योगदानाचे कौतुक केले आहे. भारत आणि न्यूझीलंड यांच्यातील आयसीसी चॅम्पियन्स ट्रॉफीचा अंतिम सामना रविवारी (09 मार्च) दुबई आंतरराष्ट्रीय क्रिकेट स्टेडियमवर खेळला जाईल.
भारतीय संघ या स्पर्धेत अपराजित राहिला आहे. 2000 मध्ये आयसीसी चॅम्पियन्स ट्रॉफीच्या अंतिम सामन्यात हे दोन्ही संघ एकमेकांसमोर आले होते, ज्यात न्यूझीलंडने भारताचा पराभव केला होता. दुसरीकडे, भारतीय संघ 2019 च्या एकदिवसीय विश्वचषक आणि 2021 च्या जागतिक कसोटी अजिंक्यपद स्पर्धेत झालेल्या पराभवाचा बदला घेऊ इच्छितो.
एएनआयशी बोलताना सूर्यकुमार यादव म्हणाला, “भारतीय संघ खूप चांगलं खेळत आहे. जर त्यांनी चांगली कामगिरी सुरू ठेवली तर अंतिम सामना इतर कोणत्याही सामन्यासारखाच होईल. सर्वांनी चांगले खेळावे असे मला वाटते. सर्व म्हणजे सर्वजण नंबर 1 ते 15 खेळाडू आणि सपोर्ट स्टाफ सुद्धा.”
अलिकडेच काँग्रेस प्रवक्त्या शमा मोहम्मद यांनी रोहितच्या फिटनेसबद्दल म्हटले होते की तो जाड आहे, तो आतापर्यंतचा सर्वात अकार्यक्षम कर्णधार आहे. यावर सूर्यकुमार यादव म्हणाला, “कर्णधार म्हणून त्याने संघाला चार आयसीसी स्पर्धांच्या अंतिम फेरीत नेले आहे. देशासाठी ही खूप मोठी गोष्ट आहे. जर कोणी 15-20 वर्षे असे खेळत असेल -तर ती खरोखरच मोठी गोष्ट आहे. फ्रँचायझी आणि आंतरराष्ट्रीय क्रिकेटमध्ये तो किती मेहनत घेतो हे मी जवळून पाहिले आहे. तो सर्वोत्तम क्रिकेटपटू आहे. मी त्याला अंतिम फेरीसाठी शुभेच्छा देतो.”
हेही वाचा-
Mohammed Shami: रोजा न पाळल्याने मोहम्मद शमी अडचणीत, मौलानांनी ठरवले ‘गुन्हेगार’
चाहत्यांसाठी आनंदाची बातमी! माजी भारतीय कर्णधार पुन्हा मैदानात उतरणार, निवृत्तीचा निर्णय मागे
टीम इंडिया कधीही जिंकली नाही रविवारी फायनल, पाहा नकोशी आकडेवारी!
