भारत आणि इंग्लंड यांच्यातील तीन सामन्यांच्या टी२० मालिकेला गुरुवारपासून (७ जुलै) सुरुवात होणार आहे. कोविडमधून बरा झाल्यानंतर रोहित शर्मा टीम इंडियाचे नेतृत्व करण्यास तयार आहे. पहिल्याच सामन्यात तो सलामीला येईल याची खात्री आहे. त्याच्याशिवाय टीम इंडियामध्ये असे तीन खेळाडू आहेत ज्यांनी अलीकडच्या काळात वरिष्ठ खेळाडूंच्या अनुपस्थितीत जबरदस्त कामगिरी केली आहे. गेल्या वर्षभरात अनेकवेळा युवा खेळाडूंनी संघात आल्यानंतर आपली ताकद दाखवून दिली आहे. अशा स्थितीत कर्णधार रोहित शर्माला प्लेइंग ११ निवडण्यासाठी खूप मेहनत घ्यावी लागणार आहे.
ऋतुराज गायकवाड आणि इशान किशन या दोघांनाही संधी?
ऋतुराज गायकवाड आणि इशान किशनमध्ये मुंबई इंडियन्सचा सलामीवीर इशान किशन वरचढ आहे. किशन आयपीएलमध्ये रोहित शर्मासोबत सलामीला उतरतो. तो डाव्या हाताचा स्फोटक फलंदाज आहे. तथापि, आयर्लंडविरुद्धच्या दोन टी२० मालिकेत इशानला केवळ २६ आणि ३ धावा करता आल्या. त्याचवेळी गायकवाड यांना संधी मिळाली नाही.
संजू सॅमसनही स्पर्धक आहे
संजू सॅमसनला आयर्लंडविरुद्धच्या दोन सामन्यांत सलामीची संधी मिळाली. पहिल्या सामन्यात त्याला खातेही उघडता आले नव्हते. त्याचवेळी, दुसऱ्या टी२० मध्ये या खेळाडूने ४२ चेंडूत ७७ धावांची खेळी केली.
तिसर्‍या क्रमांकावर दीपक हुड्डाला आणखी संधी मिळेल का?
दीपक हुडा आयर्लंड-इंग्लंड दौऱ्यावर जबरदस्त फॉर्ममध्ये आहे. त्याने आयर्लंडविरुद्धच्या पहिल्या सामन्यात नाबाद तर दुसऱ्या सामन्यात शतक झळकावले. यानंतर डर्बीशायरविरुद्धच्या सराव सामन्यातही त्याने ५९ धावांची खेळी केली. आयपीएल२०२२ पासून तो जबरदस्त फॉर्ममध्ये खेळत आहे.
उमरान मलिक खेळणार आहे
आयर्लंडविरुद्ध टी२० क्रिकेटमध्ये पदार्पण करणारा वेगवान गोलंदाज उमरान मलिक हा भारतीय रणनीतीचा भाग असल्याचे रोहित शर्माने म्हटले आहे. ते म्हणाले, “उमरानचा आमच्या रणनीतीत समावेश आहे. आम्ही सध्या त्याला त्याची भूमिका आणि संघाला त्याच्याकडून काय हवे आहे हे देखील समजावून सांगत आहोत.”
भारताची संभाव्य प्लेइंग ११: रोहित शर्मा (कर्णधार), इशान किशन, सूर्यकुमार यादव, संजू सॅमसन, दीपक हुडा, हार्दिक पांड्या, दिनेश कार्तिक (यष्टीरक्षक), युझवेंद्र चहल, भुवनेश्वर कुमार, आवेश खान आणि उमरान मलिक
इंग्लंडची संभाव्य प्लेइंग ११: जेसन रॉय, जोस बटलर (कर्णधार & यष्टीरक्षक), डेव्हिड मलान, मोईन अली, लियाम लिव्हिंगस्टोन, हॅरी ब्रूक, सॅम करन, ख्रिस जॉर्डन, टायमल मिल्स, रीस टोपली, मॅट पार्किन्सन.
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या-
धोनीच्या साधेपणावर आयएएस अविनिश शरणही फिदा! म्हणाले, ‘म्हणून लोक त्याच्यावर प्रेम करतात’
ENGvsIND: जर्सी बदलली, कर्णधार बदलला, आता इंग्लंडमध्ये टीम इंडियाचे नशीब बदलणार?
ऑस्ट्रेलियन दिग्गजाला कोर्टाची पायरी चढावी लागणार, प्रेमिकेला मारहाण केल्याचा आरोप
