विराट कोहली (virat kohli) याच्या नेतृत्वातील भारतीय संघ सध्या दक्षिण अफ्रिका दौऱ्यावर (india tour of south africa) आहे. दक्षिण अफ्रिकेविरुद्धचा पहिला कसोटी सामना सेंचुरियनच्या सुपर स्पोर्ट्स स्टेडियमवर खेळला जात आहे. अशात भारतीय संघाला प्रोत्साहन देण्यासाठी विराटची पत्नी अनुष्का शर्मा (anushka sharma) आणि मुलगी वामिका (vamika kohli) स्टेडियममध्ये उपस्थित होत्या. अनुष्का आणि वामिकाचा स्टेडियममधील फोटो सोशल मीडियावर व्हायरल होत आहे, पण चाहत्यांनी वामिकाच्या चेहरा दिसणार नाही, याची पूर्ण काळजी घेतली आहे.
विराट आणि अनुष्काने त्यांची मुलगी वामिकाचा चेहरा अद्याप जगासमोर आणलेला नाही. त्यांनी आतापर्यंत एकदाही सोशल मीडियावर किंवा इतर कोणत्या मार्गाने वामिकाचा चेहरा दिसू दिलेला नाही. तत्पूर्वी अनुष्का आणि विराटने असा निर्णय घेतला होता की, वामिका जोपर्यंत स्वतःचे निर्णय स्वतः घेऊ लागणार नाही, तोपर्यंत ते तिला सोशल मीडियापासून लांब ठेवतील. अशात चाहत्यांनी देखील विराट आणि अनुष्काची इच्छा लक्षात घेऊन वामिकाचा चेहरा जगाला दाखवला नाहीय. चाहत्यांनी मायलेकींच्या स्टेडियममधील या फोटोत वामिकाचा चेहरा इमोजीने झाकला आहे. चाहते फोटो शेअर करत आहेत, पण वामिकाचा चेहरा त्यात दिसू शकलेला नाही.
https://www.instagram.com/p/CYEBS5lvJcT/?utm_source=ig_web_button_share_sheet
यापूर्वी विराटचा एक व्हिडिओ सोशल मीडियावर व्हायरल झाला होता. या व्हिडिओत विराट माध्यमांच्या कर्मचाऱ्यांना वामिकाचा फोटो घेऊ नका, अशी विनंती करत होता. तेव्हा त्या दोघी संघाच्या बसमधून खाली उतरत होत्या. माध्यम कर्मचाऱ्यांनी देखील विराट आणि अनुष्काच्या वैयक्तिक आयुष्यात दखल न देण्याची सहानभूती दाखवली आणि वामिकाचा चेहरा शेअर केला नाही.
दरम्यान, सध्याच्या दक्षिण अफ्रिका दौऱ्यात अनुष्का शर्मा विराट कोहलीसोबत आहे. या दोघांव्यतिरिक्त भारतीय संघातील इतरही अनेक खेळाडू त्यांची पत्नी आणि मुलांसह दौऱ्यात सहभागी झाले आहेत. खेळाडू त्यांच्या कुटुंबासह बायो बबलमध्ये आहेत.
महत्वाच्या बातम्या –
SAvsIND, 1st Test: भारताने रचला इतिहास, दक्षिण आफ्रिकेवर तब्बल ११३ धावांनी मिळवला दणदणीत विजय
ऍशेस तर गमावली, आता लाज राखण्यासाठी होणाऱ्या सिडनी कसोटीसाठी अनुपलब्ध असेल इंग्लंडचा ‘हा’ दिग्गज
“यॉर्कर किंग!” जसप्रीत बुमराहने टाकलेल्या ‘त्या’ चेंडूची सोशल मीडियावर रंगतेय चर्चा
व्हिडिओ पाहा –
