आयपीएलच्या १३ व्या हंगामातील २३ वा सामना आज(९ ऑक्टोबर) राजस्थान रॉयल्स आणि दिल्ली कॅपिटल्स यांच्यात शारजाह येथे खेळला जाईल. या सामन्याला भारतीय प्रमाणवेळेनुसार संध्याकाळी ७.३० वाजता सुरुवात होईल. या सामन्यात काही खेळाडूंना खास विक्रम करण्याची संधी आहे. त्याबद्दल जाणून घेऊ.
आज राजस्थान रॉयल्स विरुद्ध दिल्ली कॅपिटल्स संघात होणाऱ्या सामन्यात हे खेळाडू करु शकतात विक्रम –
– आज जर संजू सॅमसनने २ झेल घेतले तर तो आयपीएलमध्ये ५० झेल पूर्ण करेल. त्याचबरोबर जर त्याने १२० धावा केल्या तर तो आयपीएलमध्ये २५०० धावा पूर्ण करेल.
– या सामन्यात जॉस बटलरने जर २ चौकार मारले तर तो आयपीएलमध्ये १०० चौकार पूर्ण करेल, तसेच त्याला ७ षटकार मारण्यात यश आले तर तो आयपीएलमध्ये ५० षटकार पूर्ण करेल. याचबरोबर त्याने २४ किंवा त्यापेक्षा अधिक धावा केल्या तर तो आयपीएलमध्ये राजस्थान रॉयल्ससाठी १००० धावा पूर्ण करेल.
– स्टिव्ह स्मिथने आज जर ७३ किंवा त्यापेक्षा अधिक धावा केल्या तर तो कर्णधार म्हणून आयपीएलमध्ये १००० धावा पूर्ण करेल.
– श्रेयस अय्यरने जर आज ९६ किंवा त्यापेक्षा अधिक धावा केल्या तर तो देखील कर्णधार म्हणून आयपीएलमध्ये १००० धावा पूर्ण करेल.
– रिषभ पंतला आयपीएलमध्ये १०० षटकार पूर्ण करण्यासाठी केवळ १ षटकाराची गरज आहे. तसेच त्याने जर आज ९३ किंवा त्यापेक्षा अधिक धावा केल्या तर तो आयपीएलमध्ये २००० धावा पूर्ण करेल.
– शिखर धवनलाही आयपीएलमध्ये १०० षटकार पूर्ण करण्यासाठी १ षटकाराची आवश्यकता आहे.