अर्जुन तेंडुलकर कधी करणार आयपीएल पदार्पण? मुंबई इंडियन्सच्या प्रशिक्षकांनी दिले ‘हे’ उत्तर

मुंबई इंडियन्स युवा खेळाडूंना संधी देणारा आणि त्यांना घडवणारा संघ म्हणून ओळखला जातो. मागच्या काही हंगामांमध्ये फ्रँचायझीने असे अनेक खेळाडू घडवले आहेत, जे पुढे जाऊन भारतीय संघाचा भाग बनले. परंतु सचिन तेंडुलकरचा मुलगा अर्जुन तेंडुलकर मात्र अजूनही पदार्पणची संधी शोधत आहे. मुंबईचे प्रशिक्षक माहेला जयवर्धनेने अर्जुनच्या पदार्पणाविषयी मोठी प्रतिक्रिया दिली आहे.

मुंबई इंडियन्सला शुक्रवारी (६ मे) गुजरात टायटन्सविरुद्ध हंगामातील त्यांचा १० वा सामना खेळायचा आहे. या सामन्याच्या पूर्वसंध्येला प्रशिक्षक माहेला जयवर्धनेने अर्जुन तेंडुलकर (Arjun Tendulkar) याच्या पदार्पणाच्या शक्यतेविषयी खास प्रतिक्रिया दिली.

महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा

माहेला जयवर्धने (Mahela Jayawardena) म्हणाला की, “मला वाटते की, प्रत्येकजन संघासाठी एक पर्याय आहे. गोष्टी पुढे कशा घडतात, ते आम्ही पाहू. ही मॅच-अपची गोष्ट आहे आणि सामना कसा जिंकता येईल याविषयी आहे. आमची प्राथमिकता हीच असेल की, आम्हाला योग्य मॅच-अप मिळेल.”

“प्रत्येक सामना ही, आत्मविश्वासाची गोष्ट आहे. आम्ही पहिला विजय मिळवण्यात यशस्वी झालो. हे एकत्र विजय मिळवणे आणि आत्मविश्वास पुन्हा मिळवण्याविषयी आहे. हे संघातील सर्वश्रेष्ठ लोकांविषयी आहे, जर अर्जुन त्यापैकी एक असेल, तर आम्ही नक्कीच त्याचा विचार करू. होय, पण हे सर्व व्यवस्थापनावर अवलंबून आहे,” असे जयवर्धने पुढे बोलताना म्हणाला.