प्रत्येक क्रिकेटप्रेमी वर्षभर ज्या इंडियन प्रीमियर लीगची वाट पाहतात, त्याच लीगचा पंधरावा हंगाम सुरू होण्यासाठी फक्त काही तास उरले आहेत. २६ मार्च रोजी मुंबईतील वानखेडे स्टेडियम येथे संध्याकाळी ७.३० वाजता चेन्नई सुपर किंग्ज आणि कोलकाता नाईट रायडर्स संघ आमने सामने येणार आहेत. तर २९ मे रोजी आयपीएल २०२२ चा अंतिम सामना होईल. ही टी२० लीग सुरू होण्यापूर्वी दिल्ली कॅपिटल्स संघाचा कर्णधार रिषभ पंत याने युवा खेळाडूंबद्दल मोठे वक्तव्य केले आहे.
युवा खेळाडूंना नाही बनवू शकत सुपरहिरो
‘टाइम्स ऑफ इंडिया’शी बोलताना दिल्ली संघाचा (Delhi Capitals) कर्णधार (Delhi Capitals Captain) रिषभ युवा (Rishabh Pant) खेळाडूंबाबत बोलताना म्हणाला (Rishabh Pant On Young Players) की, कोणत्याही खेळाडूला फक्त २ महिन्यांमध्ये सुपरहिरो बनवता येऊ शकत नाही. आम्ही फक्त युवा खेळाडूंसाठी चांगले वातावरण तयार करू शकतो.
पंत म्हणाला की, “माझी पहिली प्राथमिकता आयपीएल जिंकण्याला असेल. कोणत्याही खेळाडूला मी २ महिन्यांमध्येच बदलू शकत नाही. त्यांच्यात सुधारणा करण्यासाठी मी तसे वातावरण मात्र निर्माण करू शकतो. कितीही झाले तरी, २ महिन्यांमध्ये कोणाला सुपरहिरो नाही बनवता येत. तुम्ही कोणत्याही गोष्टीला लोकांवर लादू शकत नाही. पण मी त्यासाठीच्या प्रक्रियेवर विश्वास ठेवण्याचा प्रयत्न करत आहे, जी गेल्या काही वर्षांमध्ये दिल्ली कॅपिटल्सने तयार केली आहे.”
दिल्ली कॅपिटल्सची आयपीएलमधील कामगिरी
दिल्ली कॅपिटल्स हा आयपीएलमध्ये ट्रॉफी न जिंकू शकणाऱ्या संघांपैकी एक आहे. त्यांना आजवर एकदाही आयपीएल चषक उंचावता आलेला नाही. आयपीएल २०२० मध्ये दिल्ली संघाने अंतिम सामन्यापर्यंत मजल मारली होती. परंतु मुंबई इंडियन्सने त्यांच्या तोंडून विजेतेपदाचा घास हिसकावून घेतला होता.
आयपीएल २०२२ साठी दिल्ली कॅपिटल्सचा संघ – रिषभ पंत (कर्णधार आणि यष्टीरक्षक), अक्षर पटेल, पृथ्वी शॉ, एन्रिच नॉर्किया, डेव्हिड वॉर्नर, मिशेल मार्श, शार्दुल ठाकूर, मुस्तफिजुर रहमान, कुलदीप यादव, अश्विन हेब्बर, सरफराज खान, कमलेश नागरकोटी, केएस भरत, मनदीप सिंग, खलील अहमद, चेतन साकारिया, ललित यादव, रिपल पटेल, यश धुल, रोवमन पॉवेल, प्रवीण दुबे, लुंगी एन्गिडी, टिम सिफर्ट, विकी ओस्तवाल
महत्त्वाच्या बातम्या-
आजचा सामना: केव्हा आणि कसा पाहाल चेन्नई वि. कोलकाता सामना, कसे असेल हवामान; जाणून घ्या सर्वकाही
गेल्या ४ वर्षांपासून आयपीएलमध्ये ‘या’ कारणामुळे होत नाहीये ओपनिंग सेरेमनी, वाचा सविस्तर
‘जॉब डन’ म्हणत जेव्हा धोनीने २०२१मध्येच दिले होते सीएसकेचे नेतृत्त्व सोडण्याचे संकेत, पाहा Video