शुबमनची भलतीच अंधश्रद्धा! जास्त धावा करता याव्या म्हणून ‘या’ अनुभवी खेळाडूच्या बॅटचा करायचा वापर

आयपीएल २०२२ मध्ये गुजरात टायटन्सचे प्रतिनिधित्व करणाऱ्या शुबमन गिलने लहानपणीचा एम मजेशीर किस्सा सांगितला आहे. गुजरात टायटन्समधील त्याचे सहकारी खेळाडू गुरकीरत सिंग मान आणि जयंत यादव यांच्यासोबत चर्चा करताना त्याने काही खुलासे केले आहेत. शुबमनने सांगितल्यानुसार तो ही अंधश्रद्धा मानत असायचा की, त्याच्या वरिष्ठ खेळाडूंच्या बॅटने खेळला, तर त्याला जास्त धावा करता येतील.

शुबमन गिल (Shubman Gill) खूप कमी काळात नावारूपाला आलेला भारतीय क्रिकेटपटू आहे. गुजरात टायटन्सच्या (Gujarat Titans) सहकारी खेळाडूंसोबत बोलताना तो म्हणाला की, “जेव्हा मी लहान होतो, तेव्हा मी पाजीची (गुरुकीरत सिंग मान) खूप नक्कल करायचो, जेव्हा कधी ते फलंदाजी करायचे. मी तर त्यांच्या बॅटचाही जास्तीत जास्त वापर करायचो, जी मझी अंधश्रद्धा होती. मला वाटायचे की, जर त्यांच्या बॅटसह खेळायला उतरलो, तर मी खूप धावा करेल.”

महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा

शुबमन गिलने हा किस्सा सांगितल्यानंतर चर्चेत उपस्थित असेलला गुरकीरत सिंग मान (Gurkeerat Singh Mann) यानेही मजेशीर प्रत्युत्तर दिले. शुबमनने जेव्हा सांगितेल की, तो अंधश्रद्धेपोटी गुरकीरच्या बॅटने खेळायचा, त्यावर गुरकीरत म्हणाला की, “हो पण आता वेळ बदलली आहे. आता मी त्याच्या बॅटचा वापर करतो.”