आयपीएल २०२२च्या लीग स्टेजचे निम्मे सामने खेळले गेले आहेत. शनिवारी (दि. २३ एप्रिल) हंगामातील ३६ सामना सनरायझर्स हैदराबादने रॉयल चॅलेंजर्र बेंगलोरविरुद्ध जिंकला. सालाबादप्रमाणे चालू हंगामात देखील काही नवीन चेहऱ्यांना प्रसिद्धी नक्कीच मिळाली आहे, पण काही खेळाडू असे आहेत, ज्यांना अद्याप खेळण्याची संधीच मिळालेली नाहीये.
चालू आयपीएल हंगामात खेळपट्टीवर फलंदाज मोठी धावसंख्या करताना दिसत आहे आणि सामने अधिक रोमांचक झाले आहेत. हंगामात अनेक हायस्कोरिंग सामने पाहायला मिळाले आहेत. काही संघांकडे चांगली प्लेइंग इलेव्हन निवडण्यासाठी पुरेसे खेळाडू नाहीत, तर काहींकडे अनेक गुणवंत खेळाडू बेंचवर बसून आहेत. आपण या लेखात अशाच तीन खेळाडूंवर नजर टाकणार आहोत, जे संघासाठी महत्वाचे योगदान देऊ शकतात, पण त्यांच्या संघाने त्यांना अद्याप संधी दिलेली नाहीये.
महा स्पोर्ट्सचा व्हॉट्सअप ग्रुप जॉइन करण्यासाठी लिंकवर क्लिक करा
ग्लेन फिलिप्स
न्यूझीलंडचा यष्टीरक्षक फलंदाज ग्लेन फिलिप्स (Glenn Phillips) याला मेगा लिलावात सनरायझर्स हैदराबादने १.५ कोटी रुपयांमध्ये खरेदी केले होते. परंतु आतापर्यंत एकाही सामन्यात खेळण्याची संधी दिली नाहीये. यष्टीरक्षक निकोलस पूरन आतापर्यंत संघासाठी कोणतेच महत्वाचे प्रदर्शन करू शकलेला नाहीये. अशात आगामी सामन्यांमध्ये फिलिप्सला संधी मिळू शकते.
फिलिप्स त्याच्या धमाकेदार फलंदाजीसाठी ओळखला जातो. तो जगातील जवळपास सर्व टी-२० लीगमध्ये खेळला आहे. संघाच्या गरजेनुसार सलामीसाठी किंवा मध्यक्रमात फलंदाजी करू शकतो. या २५ वर्षीय खेळाडूकडे १६३ टी-२० सामन्यांचा अनुभव आहे. या सामन्यांमध्ये त्याने १४०.५६च्या स्ट्राईक रेटने ४३२१ धावा केल्या आहेत. यादरम्यान त्याने ४ शतके आणि २७ अर्धशतके देखील केली.
सरफराज खान आणि ललित यादव सध्या धावा करण्यासाठी झगडत असल्याचे दिसत आहे. अशातच राजस्थान रॉयल्सविरुद्ध पराभव पत्करल्यानंतर दिल्ली कॅपिट्लस आगामी सामन्यात यश धूलला संधी देऊ शकते. धूल संघाच्या गरजेप्रमाणे प्रदर्शन करू शकतो.
महा स्पोर्ट्सचा व्हॉट्सअप ग्रुप जॉइन करण्यासाठी लिंकवर क्लिक करा
महत्वाच्या बातम्या-
राशिद खानने केला ड्रीम हॅट्रिकचा खुलासा, विराट, बाबरसह ‘या’ फलंदाजाला करायचंय बाद
आयपीएल सुरू असतानाच एमएस धोनी का मागवतोय २ हजार कडकनाथ कोंबड्या? जाणून घ्या कारण
अन् ऑस्ट्रेलियाचा दिग्गज शेन वॉर्नने बड्डे बॉय सचिनचा घेतला ऑटोग्राफ
