ख्रीस गेलच्या चाहत्यांसाठी खुशखबर! पुढच्या IPL हंगामात गेल करणार पुनरागमन? वाचा काय आहे गुड न्यूज

वेस्ट इंडीजचा माजी दिग्गज फलंदाज ख्रीस गेल इंडियन प्रीमियर लीग म्हणजेच आयपीएलच्या चालू हंगामात खेळत नाहीये. गेलने आयपीएल २०२२ मध्ये सहभाग घेतलेला नाही. तसेच मेगा लिलावात देखील त्याने स्वतःचे नाव नोंदवले नव्हते. अशात आयपीएल २०२३ मध्ये गेल खेळताना दिसू शकतो का? या प्रश्नाचे उत्तर आता मिळाले आहे. गेलने स्वतःच्या इंस्टाग्राम खात्यावरून काही व्हिडिओ शेअर करून याविषयी संकेत दिले आहेत.

वेस्ट इंडीजचा दिग्गज फलंदाज ख्रीस गेलने स्वतःच्या अधिकृत इंस्टाग्राम खात्यावरून स्टोरीच्या माध्यमातून काही व्हिडिओ शेअर केले आहेत, ज्यामध्ये लिहिले आहे की, आयपीएल २०२३ ची तयार करत आहे. असे असले तरीही गेलची ही स्टोरी पाहून तो आयपीएलच्या आगामी हंगामात तो खेळेल याची खात्री मात्र देता येत नाही. परंतू, जर त्याने पुनरागमन केले तर चाहते त्याच्या स्वागतासाठी सज्ज असतील. कारण त्याने आयपीएलमध्ये अनेकदा अविस्मरणीय खेळी साकारली आहे.

Chris Gayle Workout for IPL 2023? pic.twitter.com/q1S3afltPw

— Vikash Gaur 🇮🇳 (@thevikashgaur) March 29, 2022

ख्रीस गेल (Chris Gayle) आयपीएलच्या पुढच्या हंगामात खेळू शकतो. पण पुढचे दोन वर्ष आयपीएलचा लिलाव होणार नाहीये. अशात त्याला एखाद्या संघात बदली खेळाडूच्या रूपात सहभागी होता येऊ शकते. किंवा एखाद्या खेळाडूने माघार घेतल्यानंतर त्याला संघात घेऊ शकतात.

https://www.instagram.com/p/CShHcvrgGSV/?utm_source=ig_web_copy_link

गेलचे वय सध्या ४२ वर्ष आहे आणि पुढच्या वर्षी तो ४३ वर्षाचा होईल. अशात तो सर्वात जास्त वयात आयपीएल खेळणारा खेळाडूही बनू शकतो. मागच्या आयपीएल हंगामात तो पंजाब किंग्जसाठी खेळला होता.