अर्शदीप की उमरान? कोणाला मिळू शकते पहिल्या टी२० सामन्यात संधी, पाहा भारताची संभाव्य प्लेइंग ११

आयर्लंडविरुद्ध या दोघांनी पदार्पणाची शक्यता यामुळे जास्त आहे की, हर्षल पटेल आणि आवेश खान या गोलंदाजांना प्लेइंग इलेव्हनच्या बाहेर ठेवले जाऊ शकते. या दोघांनी नुकतीच दक्षिण आफ्रिकेविरुद्ध पाच सामन्यांची टी-२० मालिका खेळली आहे. आगामी काळातील टी-२० विश्वचषकात देखील हे दोन्ही गोलंदाज भारतासाठी महत्वाची भूमिका बजावू शकतात. अशात या दोघांवर संघ व्यवस्थापन जास्त तान टाकू इच्छित नसेल. याच पार्श्वभूमीवर अर्शदीप आणि उमरान आयर्लंडविरुद्ध आंतरराष्ट्रीय पदार्पण करतील, अशी दाट शक्यता निर्माण झाली आहे.

भारताचा गुणवंत यष्टीरक्षक फलंदाज संजू सॅमसन टी-२० विश्वचषकात संधी मिळण्यासाठी दावेदार आहे, परंतु अलीकडचे त्याचे प्रदर्शन समाधानकारण राहिले नाहीये. आयपीएलमध्ये त्याच्या नेतृत्वातील राजस्थान रॉयल्स अंतिम सामन्यात पोहोचला, पण त्याचे वैयक्तिक प्रदर्शन अपेक्षित राहिले नव्हते. अशात आयर्लंडविरुद्ध त्याला चांगले प्रदर्शन करणे गरजेचे बनले आहे. तर दुसरीकडे राहुल त्रिपाठीला देखील मोठ्या प्रतिक्षेनंतर राष्ट्रीय संघात संधी मिळाली आहे. राहुल देखील पदार्पणाच्या प्रयत्नात असेल.

आयर्लंडविरुद्धच्या टी-२० मालिकेसाठी भारताची संभावित प्लेइंग इलेव्हन:
ईशान किशन (यष्टीरक्षक), ऋतुराज गायकवाड, संजू सॅमसन, सूर्यकुमार यादव, हार्दिक पंड्या (कर्णधार), दिनेश कार्तिक, अक्षर पटेल, हर्षल पटेल, उमरान मलिक, युजवेंद्र चहल, भुवनेश्वर कुमार.

महास्पोर्ट्सचा व्हॉट्सअप ग्रूप जॉइन करण्यासाठी येथे क्लिक करा

महत्वाच्या बातम्या –

हे फक्त पंतच करू शकतो..! रिषभने स्वत:च्याच विकेटचे केले सेलिब्रेशन, जडेजाला मारली मिठी

पतीपेक्षा पत्नी आहे एक पाऊल पुढे, आयर्लंडकडून क्रिकेट खेळणाऱ्या या जोडीबद्दल जाणून घ्या सर्वकाही

बेन स्टोक्सने इंग्लंडच्या प्रशिक्षकाचाच विक्रम काढला मोडीत, पूर्ण केले कसोटीतील षटकारांचे ‘शतक’