आशिया कप 2025 ला 9 सप्टेंबरपासून सुरूवात होत आहे, या स्पर्धेच्या सुरुवातीपूर्वी भारतीय क्रिकेट पंडित प्लेइंग इलेव्हनबद्दल बरीच चर्चा करत आहेत. माजी अष्टपैलू आणि टीम इंडियाचा सध्याचा तज्ज्ञ इरफान पठाणने आशिया कप 2025 साठी भारतीय प्लेइंग इलेव्हनची निवड केली आहे. शुबमन गिलमुळे त्याने अभिषेक शर्मा आणि संजू सॅमसनची यशस्वी जोडी निश्चितच तोडली आहे, परंतु त्याने सॅमसनला प्लेइंग इलेव्हनमधून वगळले नाही. पठाण, नंबर-8 साठी शिवम दुबे आणि कुलदीप यादवबद्दल गोंधळलेलला आहे. तो म्हणाला की या दोघांपैकी कोणाला संधी द्यायची हे खेळपट्टी पाहून ठरवले जाईल.
त्याच्या यूट्यूब चॅनेलवर भारतीय प्लेइंग इलेव्हन निवडताना, इरफान पठाणने अभिषेक शर्माचा ओपनिंग पार्टनर म्हणून शुबमन गिलची निवड केली. पठाण म्हणाला की, गिल अनेक वर्षांपासून भारतासाठी विराट कोहलीने केलेले काम पुन्हा करू शकतो.
तो म्हणाला, “शुबमन गिल हा महान विराट कोहली अनेक वर्षांपासून जे करत आहे ते करू शकतो. विराट कोहलीने त्याच्याच शैलीत क्रिकेट खेळले आहे. त्याने लांब डाव खेळण्याचा प्रयत्न केला आणि टी-20 क्रिकेटमध्ये स्वतःचा मार्ग तयार केला. मी शुबमन गिलला त्याच प्रकारचा खेळाडू मानतो.”
तिसऱ्या आणि 4 क्रमांकावर, त्याने मुंबईतील दोन खेळाडू निवडले, ज्यापैकी एक कर्णधार देखील आहे. इरफान पठाणच्या मते, टीम इंडियाने तिलक वर्मासोबत खेळत राहावे जो क्रमांक 3वर उत्कृष्ट खेळत आहे, तर सूर्याने क्रमांक 4 वर यावे.
सलामीच्या जागेवरून बाहेर पडल्यानंतर बहुतेक तज्ञ संजू सॅमसनला संघातून वगळत असताना, पठाणने त्याला पाचव्या क्रमांकावर खेळवण्याचा सल्ला दिला आहे.
पठाणच्या प्लेइंग इलेव्हनमध्ये हार्दिक पांड्या सहाव्या क्रमांकावर आणि अक्षर पटेल सात्याव्या क्रमांकावर आहे. आठव्या क्रमांकावर, त्याने शिवम दुबे किंवा कुलदीप यादवला स्थान दिले आहे. तो म्हणला की दुबे खेळेल की कुलदीप खेळेल हे खेळपट्टीवर अवलंबून असेल. शेवटच्या तीन जागांसाठी त्याने जसप्रीत बुमराह, अर्शदीप सिंग आणि वरुण चक्रवर्तीला स्थान दिले आहे.
इरफान पठाणची आशिया कप 2025 साठी भारतीय प्लेइंग 11 – शुबमन गिल, अभिषेक शर्मा, तिलक वर्मा, सूर्यकुमार यादव, संजू सॅमसन, हार्दिक पांड्या, अक्षर पटेल, शिवम दुबे/कुलदीप यादव, जसप्रीत बुमराह, अर्शदीप सिंग, वरुण चक्रवर्ती
