Jasprit Bumrah’s performance against the Fab 4: भारतीय क्रिकेट संघाचा स्टार वेगवान गोलंदाज जसप्रीत बुमराह हा देशातील सर्वात दिग्गज गोलंदाजांपैकी एक आहे. कसोटी क्रिकेटमध्ये बुमराहने भारतीय संघासाठी नेहमीच उत्कृष्ट कामगिरी केली आहे. बुमराहने आपल्या कसोटी कारकिर्दीत अनेक मोठ्या फलंदाजांना बाद करून तंबूत पाठवले आहे. तत्पूर्वी आंतरराष्ट्रीय क्रिकेटमधील ‘फॅब 4’ मध्ये केन विल्यमसन, विराट कोहली, स्टीव्ह स्मिथ आणि जो रूट यांचा समावेश आहे. दरम्यान बुमराहचा विल्यमसन, स्मिथ आणि रूटविरुद्धचा रेकॉर्ड अत्यंत जबरदस्त आहे. (Jasprit Bumrah Test records)
जसप्रीत बुमराहने कसोटी क्रिकेटमध्ये केन विल्यमसन, स्टीव्ह स्मिथ आणि जो रूटला सातत्याने अडचणीत आणले आहे. (Bumrah vs Fab 4) जसप्रीतने आतापर्यंत आपल्या कारकिर्दीत रूटला एकूण 11 वेळा बाद केले आहे. इंग्लंडच्या या दिग्गज फलंदाजाला बुमराहविरुद्ध संघर्ष करावा लागला आहे आणि त्याची सरासरी 28.3 अशी आहे. दोघांमध्ये 25 डावांमध्ये सामना झाला असून, 11 वेळा बुमराह वरचढ ठरला आहे, जी एक उत्कृष्ट गोष्ट आहे. (Jasprit Bumrah vs Joe Root)
जसप्रीतने कसोटी क्रिकेटमध्ये केन विल्यमसनलाही सतावले आहे. ते जास्त वेळा आमने-सामने आले नसले तरी, बुमराहने आतापर्यंत 2 वेळा विल्यमसनला कसोटीत पॅव्हेलियनचा रस्ता दाखवला आहे. बुमराहची न्यूझीलंडच्या या दिग्गजाविरुद्धची सरासरी 25.5 इतकी आहे. त्याने त्यालाही खूप त्रास दिला आहे (Jasprit Bumrah vs Kane Williamson). जर स्टीव्ह स्मिथबद्दल बोलायचे झाल्यास, भारतीय वेगवान गोलंदाजाने त्याला 4 वेळा बाद केले आहे. बुमराहची त्याच्याविरुद्धची सरासरी 23.8 अशी आहे. (Jasprit Bumrah vs Steve Smith)
जसप्रीत बुमराहला दुसऱ्या कसोटी सामन्यात विश्रांती देण्यात आली होती आणि त्याच्या जागी आकाश दीपला संघात संधी मिळाली होती. लॉर्ड्समध्ये झालेल्या तिसऱ्या कसोटी सामन्यात बुमराह पुन्हा मैदानात उतरला आणि त्याने आपल्या गोलंदाजीचा दम दाखवला. बुमराहने एकूण 27 षटके टाकली आणि केवळ 74 धावा देत 5 फलंदाजांना तंबूत पाठवले. त्याने जो रूट, हॅरी ब्रूक, बेन स्टोक्स यांसारख्या स्टार फलंदाजांना बाद केले. याव्यतिरिक्त त्याने ख्रिस वोक्स आणि जोफ्रा आर्चरलाही बाद केले. (Lords Test Bumrah)
