पुणे। केसरी करंडक फुटबॉल स्पर्धेच्या चौथ्या दिवशी झालेल्या सामन्यात ब्लु स्टॅग, नवमहाराष्ट्र, शिवाजीयन्स अ, डेक्कन 11 क हे फुटबॉल संघ विजयी झाले.
पहिला सामना रुपाली स्पोर्टस क्लब विरुद्ध ब्लु स्टॅग असा सकाळी 9 वाजता रंगला. या सामन्यात रुपाली स्पोर्टस क्लब संघाच्या संग्राम सातव याने 33 मिनीटाला सामन्याचा पहिला गोल केला. त्याला उत्तर देताना ब्लु स्टॅग संघाच्या अजित जाधव याने 55 मिनीटाला गोल करत 1-1 अशी बरोबरी केली. त्यामुळे हा सामना टायब्रेकरमध्ये गेला. त्यानंतर रुपाली स्पोर्टस क्लब संघाच्या शुभम पोडघन याने 1 गोल केला. तर रुपाली स्पोर्टस क्लब संघाचे मयुर पांढरे, पियुष कंध हे अपयशी ठरले. तर ब्लु स्टॅग संघाकडून अजित जाधव, सचीन मंडल, प्रतिक मिश्रा यांनी प्रत्येकी 3 गोल केले. त्यामुळे हा सामना 4-2 अशा अंतिम गोल फरकाने ब्लु स्टॅग संघाने जिंकला.
त्यानंतर दुसरा सामना व्होबा ब विरुद्ध नवमहाराष्ट्र यांच्यात सकाळी 10.30 वाजता रंगला. या सामन्यात व्होबा ब संघाच्या राजन जहागीरदार याने 34 मिनीटाला पहिला गोल केला तर त्याला उत्तर देताना नवमहाराष्ट्र संघाच्या दिपक साखरे याने 44 मिनीटाला गोल करत 1-1 अशी बरोबरी केली. त्यानंतर टायब्रेकरमध्ये व्होबा ब संघाच्या जेरमी रॉड्रीक्स, डॅनियल फर्नांडीस, रेयाल चोलो यांनी प्रत्येकी 1 गोल केले. तर व्होबा ब संघाचे प्रथमेश देडगे, आणि ऑलरिक डायस हे अपयशी ठरले. तर दुसरीकडे नवमहाराष्ट्र संघाच्या शिवम शिंदे, मुनिकेश गुप्ता, दीपक साखरे, होनाजी मुरकुटे यांनी प्रत्येकी 1 असे गोल केले. तर नवमहाराष्ट्र संघाचा दिलीप रॉम अपयशी ठरला. त्यामुळे हा सामना 5-4 अशा अंतिम गोल फरकाने नवमहाराष्ट्र फुटबॉल संघाने जिंकला.
यु. के. एम. ब संघ विरुद्ध शिवाजीयन्स अ फुटबॉल संघात दुपारी 1.00 वाजता सामना रंगला. या सामन्यात शिवाजीयन्स अ संघाच्या एच.टी.बॉगमोनचाई याने 13 मिनीटाला पहिला गोल केला. तर किनिश याने 17 मिनीटाला दुसरा आणि लगेचच आयुष शट्टी याने 29 मिनीटाला तिसरा तर सोनू याने 45 मिनीटाला चौथा गोल करत संघाला आघाडी मिळवून दिली.
त्यानंतर शिवाजीयन्स अ संघाच्या फुटबॉलपटूंनी गोल साकारण्याचा धडाका कायम ठेवला. शिवाजीयन्स अ संघाच्या मनीषसिंग याने 58 मिनीटाला आणि आर्यन सिंग याने 60 मिनीटाला गोल करत सामना 7-0 असा शिवाजीयन्स अ संघाच्या नावावर केला. या सामन्यात प्रतिस्पर्धी यु. के. एम. ब संघाच्या एकाही फुटबॉलपटूला एकही गोल करता आला नाही. यु. के. एम. ब संघाचे सौरभ चव्हाण, ओम मिश्रा आणि आदित्य पाटील हे तीनही सर्वोत्तम फुटबॉलपटू अपयशी ठरले.
आयफा स्काय व्हॉक्स विरुद्ध डेक्कन 11 क संघात दुपारी 2.30 वाजता सामना आयोजित करण्यात आला होता. परंतू आयफा स्काय व्हॉक्स फुटबॉल संघ सामना खेळण्यास आलाच नाही त्यामुळे या सामन्यात डेक्कन 11 क संघाला विजयी घोषीत करण्यात आले. कालच्या या सामन्यांबरोबर प्रथम फेरी संपली.
केसरी करंडकाचा संक्षिप्त निकाल
दिवस चौथा पहिली फेरी
सामना 1 ) रुपाली स्पोर्टस क्लब विरुद्ध ब्लु स्टॅग
निकाल : ब्लु स्टॅग संघाने 4-2 असा जिंकला.
सामना 2) व्होबा ब विरुद्ध नवमहाराष्ट्र फुटबॉल संघ
निकाल : नवमहाराष्ट्र फुटबॉल संघाने 5-4 असा जिंकला.
सामना 3)यु. के. एम. ब संघ विरुद्ध शिवाजीयन्स अ संघ :
निकाल : शिवाजीयन्स अ संघाने 7-0 असा एकतर्फी जिंकला.
सामना 4) आयफा स्काय व्हॉक्स विरुद्ध डेक्कन 11 क संघ
निकाल : डेक्कन 11 क संघाला विजयी घोषीत करण्यात आले.
आजचे आयोजित सामन्यांचे वेळापत्रक
दुसरी फेरी आजपासून रंगणार
1) डेक्कन 11 अ फुटबॉल संघ विरुद्ध व्हॅलीहंटर – सकाळी 9 वाजता
2) नवमहाराष्ट्र विरुद्ध परशूरामियन्स अ संघ – सकाळी 10.30 वाजता
3) चेतक अ संघ विरुद्ध एन,वाय,एफ ए संघ – दुपारी 1 :00 वाजता
4) संगम यंग बॉइज विरुद्ध फिनाय क्यु संघ – दुपारी 2.30 वाजता