KL Rahul In T20 Cricket: सध्या सुरू असलेला इंडियन प्रीमियर लीगचा (IPL 2025) 18 वा हंगात अंतिम टप्प्याकडे वळण घेत आहे. तत्पूर्वी या हंगामात केएल राहुल (KL Rahul) हा अशा फलंदाजांपैकी एक आहे ज्यांनी सातत्य दाखवले आहे आणि त्याने खूप चांगली कामगिरी केली आहे. कर्णधारपद सोडल्यानंतर आणि नवीन संघात सामील झाल्यानंतर, तो केएल 2.0 सारखा दिसत आहे. केएल सध्या 13 सामन्यांमध्ये 53.90च्या सरासरीने 539 धावा करून सर्वाधिक धावा करणाऱ्या खेळाडूंमध्ये सातव्या क्रमांकावर आहे. त्याने 1 शतक आणि 3 अर्धशतके झळकावली आहेत. यामुळे राहुलला आत्मविश्वास मिळाला आहे.
या कामगिरीमुळे केएलला ध्येयाबद्दल स्पष्टता मिळाली आहे. राहुलचे ध्येय त्याच्या विधानातून स्पष्ट दिसते. आता केएलने त्याच्या ताज्या विधानात पुढील वर्षी होणाऱ्या टी20 विश्वचषकात खेळण्याची इच्छा व्यक्त केली आहे. केएलने शेवटचा 2022 च्या विश्वचषक उपांत्य फेरीत इंग्लंडविरुद्ध भारतासाठी टी20 सामना खेळला होता.
केएल राहुलने स्काय स्पोर्ट्सशी बोलताना सांगितले की, “हो, मला टी20 संघात परतायचे आहे आणि विश्वचषक माझ्या मनात आहे. पण सध्या मी ज्या पद्धतीने फलंदाजी करत आहे त्याचा आनंद घेण्याचा प्रयत्न करत आहे. खरं तर मला व्हाईट-बॉल फॉरमॅटबद्दल विचार करण्यासाठी थोडा वेळ मिळाला. मी कुठेही असलो तरी, मी माझ्या कामगिरीवर खूप खूश होतो. पण सुमारे 15-12 महिन्यांपूर्वी मला वाटले की हे फॉरमॅट थोडे पुढे जात आहे. ते बदलत आहे किंवा खूप वेगाने होत आहे.” राहुलने आधुनिक क्रिकेटमध्ये बाउंड्री-हिटिंगचे महत्त्व देखील स्पष्ट केले. (KL Rahul has made a statement about returning to India’s T20 team.)
पुढे बोलताना केएल म्हणाला, “आता हा एकूण संघाचा प्रश्न बनला आहे, जो कमी बाउंड्री मारणाऱ्या संघाच्या तुलनेत जिंकत आहे. आजकाल कमी बाउंड्री मारणाऱ्या संघांना पराभवाचा सामना करावा लागत आहे. आता टी20 क्रिकेट या पातळीवर पोहोचले आहे. आणि गेल्या काही वर्षांत मी टी20 संघाचा भाग नाही. यामुळे मला या स्वरूपाबद्दल विचार करण्याची अधिक संधी मिळाली आहे.”
