मलिंगाचे एशिया कपसाठी श्रीलंका संघात कमबॅक

तो श्रीलंकेकडून शेवटचा वनडे सामना सप्टेंबर 2017 मध्ये भरताविरुद्ध खेळला आहे. त्यानंतर तो गुडघ्याच्या दुखापतीमुळे आणि नंतर फिटनेसच्या कारणाने वर्षभर संघाच्या बाहेर होता.

तसेच श्रीलंका मागील 12 मालिकेत फक्त 2 मालिका जिंकली आहे. त्यामुळे मलिंगाच्या संघातील पुनरागमनाने श्रीलंका संघाला नवीन आशा मिळेल.

त्याने आत्तापर्यंत श्रीलंकेकडून वनडेत 301 विकेट्स घेतल्या असून तो विश्वचषकात 2 हॅट्रिक घेणारा एकमेव गोलंदाजही आहे.

याबरोबरच नुकत्याच पार पडलेल्या दक्षिण आफ्रिकेविरुद्धच्या वनडे मालिकेत श्रीलंका संघात समावेश असणारे निरोशान डिकवेल्ला, लहिरु कुमारा, प्रभात जयसुर्या आणि शेहान जयसुर्या यांना मात्र आशिया चषकासाठी श्रीलंका संघातून वगळण्यात आले आहे.

तसेच 6 सामन्यांच्या बंदीनंतर दिनेश चंडिमलला श्रीलंका संघात पुन्हा एकदा संधी देण्यात आली आहे. त्याचबरोबर दनुश्का गुनथिलकाचाही संघात समावेश करण्यात आला आहे.

ही आशिया चषक स्पर्धा संयुक्त अरब अमिरातीमध्ये पार पडणार असून पहिलाच सामना श्रीलंका विरुद्ध बांगलादेश असा दुबईत रंगणार आहे.