पुणे १५ जुलै २०२३: हॅचिंग्ज प्रशाला संघाने १२ आणि १४ वर्षांखालील गटातून चमकदार विजय मिळवून येथे सुरु असलेल्या टाटा ऑटोकॉम्प लॉयला करंडक फुटबॉल स्पर्धेत आपल्या मोहिमेस यशस्वी सुरुवात केली. लॉयल प्रशालेच्या मैदानावर सुरु असलेल्या या स्पर्धेत १२ वर्षांखालील गटातून हॅचिंग्ज प्रशाला संघाने मिलेनियम प्रशालेचा ३-१ असा पराभव केला. सामन्याची सुरुवात इतकी वेगवान झाली होती की पहिल्या दहा मिनिटांतच दोन्ही संघांकडून एकेक गोल नोंदविण्यात आला.
शौर्य परदेशीने ७व्या मिनिटाला गोल करून हॅचिंग्ज प्रशाला संघाला आघाडी मिळवून दिली. त्यानंतर १०व्या मिनिटाला शिवम कुटकरने मिलेनियमला बरोबरी साधून दिली. या बरोबरीनंतरही हॅचिंग्जकडून वेगवान खेळ कायम राहिला. आर्यन अन्सारीने १२व्या मिनिटाला गोल करून संघाला आघाडीवर नेले. तर उत्तराप्धात ३७व्या मिनिटाला शौर्यने वैयक्तिक दुसऱ्या गोलची नोंद करत संघाच्या विजयावर शिक्कामोर्तब केले. त्यानंतर १४ वर्षांखालील गटात परम राठोडच्या हॅट्ट्रिकने हॅचिंग्जने मिलेनियम प्रशालेचाच ५-० असा पराभव केला. अन्य दोन गोल अर्जुन भोसले आणि ईशान चौधरीने अनुक्रमे १४ आणि १६व्या मिनिटाला नोंदवले. त्यानंतर परमने ३२, ३९, ४७व्या मिनिटाला गोल करून संघाच्या मोठ्या विजयावर शिक्कामोर्तब केले.
अन्य सामन्यात जे.एन. पेटिट टेक्निकल प्रशाला संघाला १४ आणि १६ वर्षांखालील सामन्यात ब्ल्यू रीज पब्लिक स्कूल संघाविरुद्ध बरोबरीवर समाधान मानावे लागले. स्पर्धेतील १४ वर्षाखालील गटात ऋग्वेद चौधरीने १२व्या मिनिटाला गोल करून ब्लू रीज संघाला आघाडीवर नेले. मात्र, सामन्याच्या अखेरच्या टप्प्यात ४३व्या मिनिटाला दक्ष पिल्लेने गोल करून पेटिटला बरोबरी साधून दिली. जे.एन. पेटिट टेक्निकल प्रशाला आणि ब्लू रीज संघां दरम्यान झालेल्या १६ वर्षांखालील गटातील सामना २-२ असा बरोबरीत सुटला. ब्लू रीजकडून विराज पाटील आणि अथर्व हेगडे, तर पेटिटकडून अर्ण तारफे आणि बझिल शेख यांनी गोल केले.
निकाल –
१२ वर्षांखालील – हॅचिंग्ज प्रशाला ३ (शौर्य परदेशी ७, ३७वे मिनिट, आर्यन अन्सारी १२वे मिनिट) वि.वि. मिलेनियम नॅशनल स्कूल १ (शिवम कुटकरप १०वे मिनिट)
१४ वर्षांखालील – जे.एन. पेटिट टेक्निकल प्रशाला १ (दक्ष पिल्ले ४३वे मिनिट) बरोबरी वि. ब्लू रीज पब्लिक स्कूल १ (ऋग्वेद चौधरी १२वे मिनिट)
हॅचिंग्ज प्रशाला ५ (अर्जुन भोसले १४वे मिनिट, ईशान चौधरी १६वे मिनिट, परम राठोड ३२, ३९, ४७वे मिनिट) वि.वि. मिलेनियम नॅशनल स्कूल ०
१६ वर्षांखालील – जे.एन. पेटिट टेक्निकल प्रशाला२ (अर्णव तारफे १९वे, बझिल शेख ४२वे मिनिट) बरोबरी वि. ब्लू रीज पब्लिक स्कूल २ ( विराज पाटिल ६वे, अथर्व भेगडे ३९वे मिनिट).
(Loyal Cup Football. Hatchings School’s Strong Progress)
महत्वाच्या बातम्या –
‘या’ खेळाडूला शक्य तिथे संधी द्याच! अनिल कुंबळेंचा भारतीय संघाला मोलाचा सल्ला
टीम इंडियाचा कर्णधार बनताच आली ऋतुराजची पहिली प्रतिक्रिया; म्हणाला, “गळ्यात सुवर्णपदक घालून…”