भारतीय क्रिकेट संघ बऱ्याच दिवसांनी मैदानात दिसत आहे. बांग्लादेश कसोटी मालिकेसाठी टीम इंडियाने तयारी सुरू केली आहे. भारताला 19 सप्टेंबरपासून बांग्लादेशविरुद्ध पहिला कसोटी सामना खेळायचा आहे. हा सामना दोन्ही संघांमध्ये चेन्नई येथे होणार असून सर्व खेळाडू येथे पोहोचले आहेत. टीम इंडियाचा कर्णधार रोहित शर्मा, अनुभवी फलंदाज विराट कोहली आणि जसप्रीत बुमराहसारखे खेळाडू चेन्नईला पोहोचले आहेत. यासह भारताचे बांग्लादेश मिशन सुरू झाले आहे.
टीम इंडियाचे खेळाडू बऱ्याच दिवसांनी सराव सत्रात दिसत आहेत. यावेळी प्रशिक्षक गौतम गंभीरही उपस्थित होता. दरम्यान मॉर्नी मॉर्केलची झलकही यावेळी पाहायला मिळाली. मॉर्केल पहिल्यांदाच भारतीय संघाच्या जर्सीत दिसला. भारताच्या गोलंदाजी प्रशिक्षकपदी मॉर्नी मॉर्केलची नियुक्ती करण्यात आली असून आता तो गौतम गंभीरसह भारतीय संघाचे प्रशिक्षकपद भूषवणार आहे. गौतम गंभीरच्या सल्ल्याने मोर्ने मॉर्केलची नियुक्ती करण्यात आली होती. याआधी मॉर्केल पाकिस्तान संघाचा प्रशिक्षक होता. 2023 च्या विश्वचषकादरम्यान तो पाकिस्तानचा गोलंदाजी प्रशिक्षक होता. पण आता तो भारतीय संघात सामील झाला आहे. बीसीसीआयने फोटो शेअर केले आहेत, ज्यामध्ये गौतम गंभीर आणि मॉर्नी मॉर्केल खेळाडूंसोबत दिसत आहेत.
The countdown starts as #TeamIndia begin their preps for an exciting home season.#INDvBAN pic.twitter.com/VlIvau5AfD
— BCCI (@BCCI) September 13, 2024
भारतीय संघ बऱ्याच दिवसांपासून मैदानाबाहेर फिरत आहे. भारताचा शेवटचा सामना श्रीलंकेविरुद्ध झाला होता. आता तब्बल एक महिन्यानंतर टीम इंडिया पुन्हा एकदा खेळताना दिसणार आहे. यावेळी भारतीय संघ बांग्लादेशला अजिबात हलक्यात घेऊ शकत नाही. याचे कारण म्हणजे नुकतेच बांग्लादेशने पाकिस्तानला त्यांच्या घरी पराभूत केले आहे. या कारणास्तव, त्यांचा आत्मविश्वास यावेळी खूप वर आहे. तसेच टीम इंडियाला घरच्या मैदानावर पराभूत करणे कोणत्याही संघासाठी सोपे नसले तरी बांगलादेशचे आव्हान थोडे वेगळे असू शकते.
हेही वाचा-
पाकिस्तानी गोलंदाजाने मोडला भुवनेश्वर कुमारचा ऑलटाइम रेकॉर्ड
ऋतुराज गायकवाड की संजू सॅमसन कोण जास्त दुर्दैवी? भारतीय फिरकीपटूने दिली मोठी प्रतिक्रिया
“हा खेळ शरिया कायद्याच्या विरोधात!”, अफगाणिस्तानातील तालिबान सरकारची क्रिकेटवर बंदी?
