भारतीय संघाचा माजी कर्णधार एमएस धोनी याचे जगभरात खूप चाहते आहेत. एमएस धोनी एक खेळाडू आणि माणूस म्हणून सर्वांनाच आवडतो. एमएस धोनीची एक खास गोष्ट म्हणजे तो सोशल मीडियावर सक्रिय नसतो. त्याच्या खूप कमी पोस्ट आणि व्हिडिओ दिसतात. मात्र, त्याचा एक व्हिडिओ व्हायरल होत आहे ज्यामध्ये एमएस धोनी चाहत्यांना पाकिस्तानला जाण्याचा सल्ला देत आहे.
जर आपण एमएस धोनी याच्याबद्दल बोललो तर, त्याने त्याच्या कारकिर्दीच्या सुरुवातीच्या काळात पाकिस्तानचा दौरा केला होता आणि त्या काळात त्याने जबरदस्त कामगिरी केली होती. आपल्या लांबलचक हेअरस्टाईल आणि लांबलचक षटकारांनी महेंद्रसिंग धोनीने त्यावेळी केवळ भारतातील क्रिकेटप्रेमींनाच नाही तर पाकिस्तानातील क्रिकेटप्रेमींनाही वेड लावले होते.
धोनीचा जो व्हिडिओ समोर आला आहे, त्यात तो एका चाहत्याला पाकिस्तानला जा, असे सांगत आहे. मात्र हा व्हिडीओ कधीचा आहे आणि धोनी कोणाशी बोलत आहे याबाबत कोणतीही माहिती समोर आलेली नाही. या व्हिडीओमध्ये धोनी म्हणाला, “जर तुम्हाला उत्कृष्ट जेवणाचा आनंद घ्यायचा असेल तर तुम्ही एकदा पाकिस्तानला भेट द्या.”
https://twitter.com/taimoorze/status/1740665504610812382?ref_src=twsrc%5Etfw%7Ctwcamp%5Etweetembed%7Ctwterm%5E1740665504610812382%7Ctwgr%5Eb065ca251c6787aacb26f1ed0ecb11faab7cbb0d%7Ctwcon%5Es1_&ref_url=https%3A%2F%2Fhindi.sportskeeda.com%2Fcricket%2Fms-dhoni-advises-fan-to-go-to-pakistan-for-their-food-watch-video
एमएस धोनी चेन्नई सुपर किंग्ससाठी मागील हंगामात खेळला होता आणि संघाला चॅम्पियन देखील बनवले होते. आता पुन्हा एकदा तो नव्या मोसमात खेळण्यासाठी सज्ज झाला आहे. धोनीने अद्याप आयपीएलमधून निवृत्ती घेतलेली नाही आणि गेल्या मोसमात त्याला चेन्नईच्या चाहत्यांसमोर शेवटचा सामना खेळायला आवडेल असे त्याने सांगितले होते. मात्र, एमएस धोनी आयपीएलमध्ये किती काळ खेळणार याबाबत काहीही सांगता येणार नाही. चाहते त्याला पुन्हा मैदानात पाहण्याची वाट पाहत आहेत. (Mahendra Singh Dhoni advised a fan to go to Pakistan a shocking reason came to light)
हेही वाचा
Team Of The Year 2023: माजी क्रिकेटपटूने निवडला 2023 वर्षातील सर्वोत्तम वनडे संघ, ‘या’ सहा भारतीय खेळाडूंना दिलं स्थान
AUS vs PAK: आयपीएलच्या सर्वात महागड्या खेळाडूने आपले वचन पाळले, मेलबर्न कसोटीनंतर छोट्या चाहत्याला दिले शूज भेट; पाहा व्हिडिओ
