इराणी कप 2024 चा सामना लखनऊच्या एकना स्टेडियमवर मुंबई आणि उर्वरित भारत यांच्यात खेळवला जात आहे. या सामन्यात प्रथम फलंदाजी करताना मुंबई संघाने 537 धावा केल्या. मुंबईकडून खेळताना सरफराज खानने जबरदस्त द्विशतक झळकावले. सरफराजने 222 धावा करून नाबाद राहिला. उर्वरित भारतकडून मुकेश कुमारने शानदार गोलंदाजी केली. त्याने एकूण 5 विकेट घेतल्या.
बांग्लादेशविरुद्धच्या कसोटी मालिकेसाठी भारतीय संघ जाहीर झाला. तेव्हा त्यात मुकेश कुमारचा समावेश नव्हता. मुकेशऐवजी आकाश दीपला संघात स्थान देण्यात आले. दुलीप ट्रॉफीमध्ये आकाश दीपची कामगिरी चांगली होती. त्यामुळेच त्याची संघात निवड झाली. आकाश दीपनेही बांग्लादेश मालिकेत चांगली गोलंदाजी केली आणि दोन्ही सामन्यांमध्ये खूप प्रभावित केले.
मुकेश कुमारची भारतीय संघात निवड झाली नसतानाही त्याचा इराणी चषकासाठी उर्वरित भारतीय संघात समावेश करण्यात आला होता. हा निर्णय योग्य असल्याचेही त्यांनी सिद्ध केले. मुकेश कुमारने 30 षटकांच्या स्पेलमध्ये 3 मेडन्स टाकत 110 धावांत 5 बळी घेतले. त्याने पृथ्वी शॉ, आयुष म्हात्रे, हार्दिक तैमोर, शम्स मुलाणी, जुनैद खान या फलंदाजांना पॅव्हेलियनचा रस्ता दाखवला.
A 5⃣-wicket haul for Mukesh Kumar 🙌
Mumbai are all out for 537.
Sarfaraz Khan remained unbeaten on 222* 👏#IraniCup | @IDFCFIRSTBank
Follow the match ▶️ https://t.co/Er0EHGOrUJ pic.twitter.com/qgbMMF2bcy
— BCCI Domestic (@BCCIdomestic) October 3, 2024
मुकेश कुमारने आतापर्यंत भारतासाठी 3 कसोटी, 6 एकदिवसीय आणि 17 टी20 आंतरराष्ट्रीय सामने खेळले आहेत. त्याने कसोटी सामन्यात 7 विकेट्स घेतल्या आहेत. तर एकदिवसीय सामन्यात 5 आणि टी20 आंतरराष्ट्रीय सामन्यात 20 विकेट आहेत. त्याने फेब्रुवारी 2024 मध्ये इंग्लंडविरुद्ध शेवटचा कसोटी सामना खेळला होता. झिम्बाब्वे दौऱ्यावर तो शेवटचा टी-20 सामना खेळताना दिसला होता.
भारताला आता न्यूझीलंडविरुद्ध कसोटी मालिका खेळायची आहे. मुकेश कुमारने इराणी चषक स्पर्धेत ज्या प्रकारची कामगिरी केली आहे. ते पाहता या मालिकेसाठी त्याचा दावा जोरदार झाला आहे. असे म्हणता येईल. आता त्याची निवड होते की नाही हे पाहणे रंजक राहील.
हेही वाचा-
श्रीलंकेच्या क्रिकेटपटूवर कडक कारवाई, आयसीसीनं लावली एका वर्षाची बंदी; कारण जाणून घ्या
न्यूझीलंडसोबत भारताचा पहिला सामना, पाहा संभाव्य प्लेइंग इलेव्हन
ऋतुराज गायकवाडची फ्लॉप कामगिरी सुरूच, पदार्पण करणाऱ्या गोलंदाजाने दाखवला पॅव्हेलियनचा रस्ता
