IND vs ENG: भारताचा सलामीवीर फलंदाज यशस्वीने इंग्लंड विरुद्ध दुहेरी शतक ठोकलं आहे. यशस्वीने 231 बॉलमध्ये या 200 धावांचा टप्पा गाठला आहे. यशस्वीने या खेळीत 14 चौकार आणि 10 सिक्सच्या मदतीने ही दुहेरीशतक ठोकले आहे. यशस्वीचं या दरम्यान 86.46 चं स्ट्राईक रेट राहिलं आहे. यशस्वी तिसऱ्या दिवशी शतकी खेळीनंतर त्रास जाणवत असल्याने रिटायर्ड हर्ट होऊन मैदानाबाहेर गेला होता. मात्र त्यानंतर चौथ्या दिवशी शुबमन गिल आऊट झाल्यानंतर यशस्वी जयस्वाल मैदानात आला आणि फटकेबाजीला सुरुवात करत दमदार दुहेरी शतक ठोकलं आहे.
यशस्वीने शतक ठोकल्यानंतर डेव्हिड वॉर्नर स्टाईलने जल्लोष केला. यशस्वीने हवेत उडी घेत बॅट उंचावली आणि शतकी आनंद साजरा केला. मात्र त्यानंतर यशस्वीला त्रास जाणवू लागला. यशस्वी मैदानातच आडवा पडला. मेडीकल टीम मैदानात आली. त्यानंतर यशस्वी काही बॉल खेळला. मात्र त्यानंतर त्रास सहन न झाल्याने अखेर यशस्वी मैदानाबाहेर गेला. यशस्वी 104 धावांवर रिटायर्ड हर्ट होऊन माघारी परतला होता.
दरम्यान, यशस्वी रिटायर्ड हर्ट झाल्याने तिसऱ्या दिवशी कुलदीप यादव मैदानात आला. कुलदीप आणि शुबमन गिल ही जोडी तिसऱ्या दिवशी नाबाद परतली आणि चौथ्या दिवसाची सुरुवात केली. चौथ्या दिवसाची या जोडीने जोरात सुरुवात करत अर्धशतकी भागीदारी केली. मात्र एका क्षणी गडबड झाल्याने शुबमन गिल नॉन स्ट्राईक एंडवर 91 धावांवर रन आऊट झाला. त्यानंतर यशस्वी मैदानात आला होता
टीम इंडिया प्लेईंग ईलेव्हन | रोहित शर्मा (कर्णधार), यशस्वी जयस्वाल, शुबमन गिल, रजत पाटीदार, सरफराज खान, रवींद्र जडेजा, ध्रुव जुरेल (विकेटकीपर), देवदत्त पडीक्कल (सब्स्टीट्यूड), कुलदीप यादव, जसप्रीत बुमराह आणि मोहम्मद सिराज.
इंग्लंड प्लेइंग इलेव्हन | बेन स्टोक्स (कॅप्टन), झॅक क्रॉली, बेन डकेट, ऑली पोप, जो रूट, जॉनी बेअरस्टो, बेन फोक्स (विकेटकीपर), रेहान अहमद, टॉम हार्टले, मार्क वुड आणि जेम्स अँडरसन.
महत्वाच्या बातम्या –
- इंग्लिश मीडियाची रूटच्या रिव्हर्स स्कूप शॉटवर ताशेर म्हणाले, ‘इंग्लिश क्रिकेटमधील सर्वात मूर्ख…
- दुर्दैवी! फक्त एक चुक अन् शतकाजवळ पोहचलेला गिल झाला रन-आऊट, पाहा व्हिडीओ
