भारतामध्ये आयपीएल स्पर्धेला भारताचे दुसरे सण मानले जाते. मार्च ते मे दरम्यान चालणाऱ्या या स्पर्धेत भारतीय युवाखेळाडूंसह जगभरातील खेळाडूंना आपली प्रतिभा दाखवण्यासाठी प्रतिभा मिळते. ज्यामुळे खेळाडूंमधील कला जगासमोर येते. युवा खेळाडूंपासून वरिष्ठ खेळाडू खेळतात.ज्यासाठी त्यांना मोठी रक्कम देखील मिळते. वास्तविक तुम्हाला माहिती आहे का, की या संघांच्या तयारीत महत्त्वाची भूमिका बजावणारे प्रशिक्षक आणि सपोर्ट स्टाफही प्रचंड शुल्क आकारतात. त्यामुळे अनेक माजी दिग्गज खेळाडू आयपीएलमध्ये प्रशिक्षक म्हणून कोट्यवधी रुपयांची कमाई करत आहेत.
आयपीएल ही सुरुवातीपासूनच जागतिक क्रिकेट स्टार्सने भरलेली स्पर्धा आहे. अशा परिस्थितीत मैदानावर खेळणारे खेळाडू असोत किंवा मैदानाबाहेर संघाला तयार करणारे दिग्गज असोत म्हणजेच जे आता प्रशिक्षक म्हणून योगदान देत आहेत. अशा परिस्थितीत त्यांची फीही खूप जास्त आहे. चला तर या बातमीद्वारे जाणून घेऊया आयपीएलमधील सर्वाधिक कमाई करणारे प्रशिक्षक.
7. कुमार संगकारा
श्रीलंकेचा माजी कर्णधार आणि अनुभवी फलंदाज कुमार संगकारा 2021 पासून आयपीएलमध्ये राजस्थान रॉयल्सच्या कोचिंग स्टाफचा भाग आहे. तो संघात क्रिकेट संचालकाची भूमिका बजावतो. राजस्थान रॉयल्स संघकाराला प्रत्येक मोसमासाठी 3.5 कोटी रुपये फी देते.
6. रिकी पाँटिंग
ऑस्ट्रेलियाचा माजी कर्णधार रिकी पाँटिंगने अलीकडेच दिल्ली कॅपिटल्सशी नाते तोडले. मुख्य प्रशिक्षक असताना त्याने दिल्ली फ्रँचायझीकडून प्रत्येक हंगामात 3.5 कोटी रक्कमेची कमाई करत होता.
5. आशिष नेहरा
भारताचा माजी वेगवान गोलंदाज आशिष नेहरा हा गुजरात टायटन्सशी त्यांच्या सुरुवातीच्या हंगामापासून मुख्य प्रशिक्षक म्हणून संबंधित आहे. फ्रँचायझी त्याला प्रत्येक हंगामासाठी 3.5 कोटी रुपये फी देते.
4. स्टीफन फ्लेमिंग
माजी किवी फलंदाज स्टीफन फ्लेमिंग चेन्नई सुपर किंग्जचा मुख्य प्रशिक्षक म्हणून काम पाहत आहे. या काळात फ्लेमिंगने अनेकवेळा संघाला विजेतेपदापर्यंत नेण्यात महत्त्वाची भूमिका बजावली आहे. तो त्याच्या भूमिकेसाठी प्रति सीझन 3.5 कोटी रुपये फी घेतो.
3. किरॉन पोलार्ड
मुंबई इंडियन्सचा माजी खेळाडू आणि सध्याचे फलंदाजी प्रशिक्षक किरॉन पोलार्डला फ्रँचायझी प्रति मोसमासाठी 3.8 कोटी रुपये फी देत आहे.
2. डॅनियल व्हिटोरी
सनरायझर्स हैदराबाद संघाचा मुख्य प्रशिक्षक डॅनियल व्हिटोरीला प्रत्येक मोसमात 4 कोटी रुपये मानधन मिळते. वास्तविक, व्हिटोरीला प्रशिक्षक म्हणून मोठी रक्कम मिळते.
1. ट्रेव्हर बेलिस
विश्वचषक विजेत्या इंग्लंडसाठी काम करणारा ट्रेव्हर बेलिस आयपीएल 2024 पर्यंत पंजाब किंग्जशी संबंधित होता. त्याला एका हंगामात 4 कोटी रुपये फी मिळत होती.
हेही वाचा-
भारतात विश्वचषक आयोजित करा; जय शहांनी या कारणास्तव फेटाळली विनंती; म्हणाले, आम्ही नाही…
‘मैं पल दो पल का शायर…’, जेव्हा धोनीने चाहत्यांची मने तोडली, या क्रिकेटपटूनेही केले होते आश्चर्यचकित
भारतात होणार ऑलिम्पिक? पीएम मोदींनी लाल किल्ल्यावरून केली घोषणा; लवकरच होणार देशवासींयाचे स्वप्न पूर्ण
