इंडियन प्रीमियर लीगच्या आगामी हंगामाला 22 मार्चपासून सुरूवात होण्याची शक्यता आहे. ज्यासाठी सर्व 10 फ्रँचायझींना आता त्यांच्या तयारी मजबूत करण्यासाठी सुमारे एक महिना शिल्लक आहे. या संदर्भात, 13 फेब्रुवारी रोजी, रॉयल चॅलेंजर्स बंगळुरू संघाने आगामी हंगामासाठी आपला नवीन कर्णधार जाहीर केला. ज्यात त्यांनी रजत पाटीदारकडे जबाबदारी सोपवली आहे. तर, काही संघांनी गेल्या हंगामात कर्णधारपद भूषवणाऱ्या खेळाडूंची जबाबदारी कायम ठेवण्याचा निर्णय घेतला आहे. अशा परिस्थितीत, आयपीएल 2025 च्या हंगामासाठी 8 संघांच्या कर्णधारांची नावे अंतिम झाली आहेत. तर 2 संघांनी अद्याप त्यांच्या नवीन कर्णधाराचे नाव जाहीर केलेले नाही.
आयपीएल 2025 साठी आतापर्यंत ज्या 8 संघांच्या कर्णधारांची नावे निश्चित झाली आहेत, त्यात मुंबई इंडियन्स, चेन्नई सुपर किंग्ज, राजस्थान रॉयल्स, गुजरात टायटन्स, सनरायझर्स हैदराबाद, पंजाब किंग्ज, लखनऊ सुपर जायंट्स, रॉयल चॅलेंजर्स बंगळुरू यांचा समावेश आहे. आता सर्व चाहते गतविजेत्या कोलकाता नाईट रायडर्स आणि दिल्ली कॅपिटल्स संघांच्या कर्णधारांच्या नावांच्या घोषणेची वाट पाहत आहेत. आयपीएल 2025 च्या मेगा लिलावात, केकेआर संघाने श्रेयस अय्यरला कायम न ठेवण्याचा निर्णय घेतला होता. ज्याच्या नेतृत्वाखाली त्यांनी गेल्या हंगामात विजेतेपद जिंकले होते. त्याच वेळी, अय्यर मेगा लिलावात पंजाब किंग्ज संघाचा भाग झाला. त्यामुळे आता केकेआरला आयपीएल 2025 साठी त्यांचा नवीन कर्णधार जाहीर करावा लागेल. सध्या केकेआर संघाच्या कर्णधारपदाच्या शर्यतीत 2 खेळाडू आघाडीवर आहेत, ज्यात व्यंकटेश अय्यर आणि अजिंक्य रहाणे यांची नावे आहेत.
आयपीएल 2025 च्या हंगामात दिल्ली कॅपिटल्स संघ कोणत्या कर्णधाराच्या नेतृत्वाखाली मैदानात उतरेल याबद्दल अद्याप परिस्थिती पूर्णपणे स्पष्ट झालेली नाही. आगामी हंगामासाठी कर्णधाराचे नाव फ्रँचायझीने जाहीर केलेले नाही. दिल्ली कॅपिटल्सकडून कर्णधारपद स्वीकारण्याच्या शर्यतीत केएल राहुल आणि अक्षर पटेल यांची नावे समाविष्ट आहेत. ज्यामध्ये राहुल या हंगामासाठी झालेल्या मेगा लिलावात दिल्ली संघाचा भाग बनला, तर अक्षर गेल्या अनेक हंगामांपासून संघाचा एक महत्त्वाचा भाग आहे.
आयपीएल 2025 साठी आतापर्यंत जाहीर झालेल्या संघांच्या कर्णधारांची नावे
मुंबई इंडियन्स – हार्दिक पांड्या
चेन्नई सुपर किंग्ज – ऋतुराज गायकवाड
राजस्थान रॉयल्स – संजू सॅमसन
गुजरात टायटन्स – शुबमन गिल
सनरायझर्स हैदराबाद – पॅट कमिन्स
पंजाब किंग्ज – श्रेयस अय्यर
लखनौ सुपर जायंट्स – रिषभ पंत
रॉयल चॅलेंजर्स बंगळुरू – रजत पाटीदार
हेही वाचा-
CT 2025: संघासाठी वाईट बातमी, प्रमुख खेळाडूच्या दुखापतीमुळे संतुलन बिघडले?
मुंबई इंडियन्सला धक्का, प्रमुख खेळाडू संपूर्ण हंगामातून बाहेर!
IPL 2025: हंगामाची सुरुवात RCB च्या सामन्याने, जाणून घ्या लेटेस्ट अपडेट!
