India vs England Test Series: भारताविरुद्धच्या आगामी कसोटी मालिकेत फिरकी गोलंदाज रवींद्र जडेजा याला सामोरे जाण्याचा मंत्र इंग्लंडचा माजी फलंदाज केविन पीटरसन याने इंग्लिश फलंदाजांना दिला आहे. रवींद्र जडेजा मुथैय्या मुरलीधरन किंवा शेन वॉर्न नाही, तंत्र बरोबर असेल तर तुम्हाला त्याच्यापासून धोका नाही, असे त्याने म्हटले आहे.
‘द टाइम्स’ला दिलेल्या मुलाखतीत पीटरसन म्हणाला, “मी जडेजाचा खूप सामना केला आहे. हे सर्व आपल्या तंत्राबद्दल आहे. जडेजा मुरलीधरन किंवा शेन वॉर्न नाही. तो डावखुरा फिरकी गोलंदाज आहे, जो बहुतेक एका बाजूने गोलंदाजी करतो. कधीकधी त्याचा चेंडू सरकतो. निसरड्या चेंडूंना सामोरे जाण्यासाठी तुमचे तंत्र चांगले असेल, तर तुम्हाला जडेजाविरुद्ध कोणतीही अडचण येणार नाही.जर तुमचे पाय योग्य ठिकाणी असतील, तुम्ही पुढच्या पायावर खेळत नसाल, तुम्ही चेंडूच्या दिशेने मागे खेळत असाल तर तुम्ही सुरक्षित असाल. बोल्ड किंवा एलबीडब्ल्यू होणार नाही याची काळजी घ्या.”
पीटरसन पुढे म्हणाला, “तुम्ही त्याचे चेंडू स्लिपच्या दिशेने खेळत असलात तरी काही हरकत नाही. त्याच्या चेंडूच्या रेषेचा आणि लांबीचा अंदाज लावण्यासाठी आपल्याकडे पुरेसा वेळ आहे. तुम्हाला फक्त बोल्ड होणं आणि एलबीडब्ल्यू टाळावं लागेल.”
पीटरसनने येथे आर अश्विनचाही उल्लेख केला. मागील कसोटी मालिकेची आठवण करून देताना तो म्हणाला की, “अश्विन कोणता चेंडू टाकणार आहे हे मला समजायचे. मी अश्विनचे ’दुसरा’ चेंडू ऑफ साइडला खूप मारायचो हे सगळ्यांनी पाहिलं असेल.” (No Jadeja Muralitharan or Shane Warne Pietersen urges England to tackle Indian spinners)
हेही वाचा
IND vs ENG: माजी भारतीय खेळाडूचा रोहितला सल्ला, सांगितलं इंग्लंडविरुद्ध काय करायला हवं
IND vs ENG: धावा करण्यात सचिन, विकेट घेण्यात अँडरसन अव्वल; भारत-इंग्लंड कसोटी इतिहासातील 10 मोठे विक्रम
