क्रिकेटटॉप बातम्या

भारताला रडवणाऱ्या फलंदाजाने टेनिसच्या मैदानावर दिली जोकोविचला टक्कर, पाहा व्हायरल व्हिडीओ

ऑस्ट्रेलियन ओपन 2024 च्या आधी गुरुवारी (11 जानेवारी) रोजी मेलबर्नमध्ये आयोजित एका धर्मादाय कार्यक्रमादरम्यान स्पोर्ट्स सेलिब्रिटी नोवाक जोकोविच याने स्टीव्ह स्मिथ याच्यासोबत खूप मजा केली. यादरम्यान स्मिथने जोकोविचला त्याच्या टेनिस कौशल्याने प्रभावित केले, ज्याचा व्हिडिओ सोशल मीडियावर खूप पसंत केला जात आहे.

या वर्षातील पहिले ग्रँडस्लॅम 14 जानेवारीपासून ऑस्ट्रेलियात सुरू होणार आहे, जे दोन आठवडे चालेल. स्पर्धेच्या सुरुवातीला पुरुष आणि महिला खेळाडूंनी धर्मादाय कार्यासाठी विविध प्रकारच्या उपक्रमांमध्ये भाग घेतला. यानंतर, टेनिस आणि क्रिकेटच्या दिग्गजांनी चाहत्यांचे केले. नोवाक जोकोविच (Novak Djokovic) याने ऑस्ट्रेलियाच्या स्टीव्ह स्मिथ (Steve Smith) याला टेनिस खेळण्याचे आव्हान दिले, जे त्याने स्वीकारले आणि कोर्टमध्ये उतरला. (novak djokovic and steve smith playing tennis and cricket watch video)

जोकोविचने बॉडी सर्व्ह केली आणि स्मिथने पटकन पुढे सरकत अचूक फोरहँड करत शाॅट मारला. हे पाहून मैदानावर उपस्थित असलेले चाहतेही हैराण झाले आणि टेनिस स्टारने नतमस्तक होऊन ऑस्ट्रेलियन क्रिकेटरचे कौतुक केले.

यावेळी जोकोविच आणि स्मिथने टेनिस कोर्टवर क्रिकेट खेळण्याचा आनंदही लुटला. 24 ग्रँडस्लॅम खेळलेल्या या दिग्गज टेनिसपटूने स्मिथविरुद्ध गोलंदाजी केली. तथापि, जोकोविचने चेंडू टाकला आणि स्मिथने त्याच्या चेंडूवर चांगला फटका मारला. त्यानंतर जोकोविचने बॅट नीट कशी पकडायची हे शिकून घेतले आणि नंतर स्मिथविरूद्ध फलंदाजीही केली.

स्टीव्ह स्मिथ आता वेस्ट इंडिजविरुद्धच्या कसोटी मालिकेदरम्यान दिसणार आहे. आता तो कसोटी फॉरमॅटमध्ये सलामीवीराच्या भूमिकेत दिसणार आहे. डेव्हिड वॉर्नर (David Warner) याने कसोटी फॉर्मेटमधून निवृत्ती घेतल्यानंतर स्मिथकडे ही नवी जबाबदारी सोपवण्यात आली आहे, ज्याला त्याने स्वतः दुजोरा दिला आहे. (The batsman who made India cry collided with Djokovic on the tennis court watch the viral video)

हेही वाचा

Ranji Trophy 2024 :मुंबई भिडणार आंध्राशी, स्टार खेळाडूचे संघात पूनरागमन
पहिल्याच सामन्यात अफगाणिस्तानला यजमानांकडून धक्का, दुबेच्या अर्धशतकासह भारत 6 विकेट्सने विजयी

Related Articles