कराची| संपूर्ण इंग्लंड दौऱ्यात दुर्लक्ष करण्यात आलेल्या पाकिस्तानच्या माजी कर्णधार सर्फराज अहमदला तिसऱ्या टी20 आंतरराष्ट्रीय सामन्यासाठी प्रस्ताव देण्यात आला होता. तो खेळायला तयार नव्हता. त्याने सामन्यापूर्वी मुख्य प्रशिक्षक आणि मुख्य निवडकर्ता मिस्बाह-उल-हकला सांगितले की तो खेळायला तयार नाही. सुरुवातीच्या सामन्यांमध्ये त्याला संधी दिली गेली नव्हती.
मिस्बाह ने जिओ न्यूज चॅनेलला सांगितले, “त्याने खेळण्यास नकार दिला नाही पण हो, त्याला दौऱ्याच्या अंतिम सामन्यात खेळण्याबद्दल विचारण्यात आल्याने थोडी भीती होती. मी त्याच्या जागी असतो तर मला पण तसेच वाटले असते. जेव्हा एखाद्या खेळाडूला दौर्याच्या शेवटच्या सामन्यात खेळायला सांगितले जाते तेव्हा त्याला थोडी भीती वाटते, कारण आधीच्या सामन्यांमध्ये त्याला खेळू दिले नव्हते.”
उल्लेखनीय आहे की सर्फराज अहमदला इंग्लंडविरुद्ध मँचेस्टर येथे खेळल्या गेलेल्या पहिल्या कसोटी सामन्यासाठी 11 खेळाडूंमध्ये जागा मिळाली नाही. त्या सामन्यात मोहम्मद रिझवानला यष्टिरक्षक म्हणून संधी देण्यात आली होती. या सामन्यात तो 12 वा खेळाडू होता आणि मैदानावर आपल्या सहकाऱ्यासाठी प्यायला पाणी नेत होता.
यावेळी तो एका सहकारी खेळाडूचा बूट उचलताना देखील दिसला. हे पाहून चाहते वैतागले होते. चाहते आणि माजी क्रिकेटपटूंनी कर्णधार अझहर अली व मिस्बाह-उल-हकला सोशल मीडियावर ट्रोल केले होते.
