जसप्रीत बुमराह पुढच्या विश्वचषकात करणार फलंदाजांचा खेळ खल्लास? नेट्समधील व्हिडिओ व्हायरल

भारतीय संघाचा स्टार वेगवान गोलंदाज जसप्रीत बुमराह मागील काही काळापासून दुखापतींचा सामना करत आहे. या दुखापतीमुळे बुमराह आयसीसीच्या सर्वात प्रतिष्ठित आणि मोठ्या टी20 विश्वचषक 2022 स्पर्धेतून बाहेर पडला होता. याव्यतिरिक्त त्याला आशिया चषकातही खेळता आले नव्हते. भारतीय संघाला बुमराहच्या अनुपस्थितीत खूपच संघर्ष करावा लागत असल्याचे दिसत आहे. नेहमी संघाला गोलंदाजांमध्ये त्याची कमतरता जाणवते. बुमराह हा संघाचा असा गोलंदाज आहे, जो तिन्ही क्रिकेट प्रकारात खेळतो. अशात बुमराहच्या दुखापतीबद्दल मोठी अपडेट समोर आली आहे. बुमराह नेट्समध्ये गोलंदाजी करताना दिसत आहे. यादरम्यानचा बुमराहचा व्हिडिओ तुफान व्हायरल होत आहे.

सोशल मीडियावर शेअर केला व्हिडिओ
जसप्रीत बुमराह (Jasprit Bumrah) याने सोशल मीडियावर एक व्हिडिओ शेअर केला आहे. या व्हिडिओत बुमराह नेट्समध्ये गोलंदाजी करताना दिसत आहे. या व्हिडिओत तो जबरदस्त गोलंदाजी करत आहे, ज्यात तो जुण्या लयीत दिसत आहे. बुमराहच्या या व्हिडिओमुळे चाहत्यांमध्ये आनंदाचे वातावरण आहे. या व्हिडिओवरून असे म्हटले जाऊ शकते की, बुमराह त्याच्या दुखापतीतून चांगल्याप्रकारे बरा होत आहे.

बुमराहने हा व्हिडिओ शेअर करत भन्नाट कॅप्शन दिले आहे. त्याने कॅप्शनमध्ये लिहिले आहे की, “फुल थ्रोटल.” बुमराहच्या या व्हिडिओवरून समजते की, तो 2023मध्ये होणाऱ्या वनडे विश्वचषकात पुनरागमन करण्यासाठी सज्ज झाला आहे. बुमराहचे पुनरागमन भारतीय संघासाठी खूपच महत्त्वाचे ठरणार आहे.

https://www.instagram.com/reel/CmOwaxjKFyR/?utm_source=ig_embed&ig_rid=e9f87216-7c4a-4dde-bb21-626653171052

भारतीय संघात अनेक दुखापतग्रस्त गोलंदाज
सध्याच्या काळात भारतीय संघात असे अनेक गोलंदाज आहेत, जे दुखापतग्रस्त आहेत. त्यामध्ये जसप्रीत बुमराह, मोहम्मद शमी आणि दीपक चाहर यांसारख्या स्टार गोलंदाजांचा समावेश आहे. जसप्रीत बुमराह ऑस्ट्रेलियाविरुद्ध खेळण्यात आलेल्या देशांतर्गत टी20 मालिकेत पुन्हा एकदा दुखापतग्रस्त झाला होता. दुसरीकडे, मोहम्मद शमी टी20 विश्वचषक 2022नंतर दुखापतग्रस्त झाला होता. दुसरीकडे, दीपक चाहर बांगलादेश दौऱ्यावरील वनडे मालिकेदरम्यान दुखापतग्रस्त झाला होता. अशाप्रकारे भारतीय संघातील गोलंदाज सातत्याने दुखापतग्रस्त होत आहेत. (pacer jasprit bumrah share a video of himself bowling in nets he is recovering well)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
शतक पुजाराचं अन् जल्लोष ‘किंग’ कोहलीचा! विराटने अशाप्रकारे ‘केले’ सेलिब्रेशन, पाहा व्हिडिओ
भारी रे! शुबमन गिलने शतक ठोकताच ‘या’ खेळाडूंपुढे झुकवली मान, पाहा व्हिडिओ