रिझवानच्या नेतृत्वाखाली पाकिस्तानचा ऐतिहासिक विजय! वनडे क्रिकेटमध्ये रचला इतिहास

पाकिस्तानमध्ये खेळल्या जात असलेल्या तिरंगी मालिकेत यजमान संघाने दक्षिण आफ्रिकेचा 6 विकेट्सने पराभव केला, या विजयासह मालिकेच्या अंतिम फेरीत प्रवेश केला. ज्यात ते न्यूझीलंडचा सामना करतील. या सामन्यात आफ्रिकन संघाने प्रथम फलंदाजी करताना पाकिस्तानला 353 धावांचे लक्ष्य दिले, ज्याला प्रत्युत्तर म्हणून पाकिस्तानने मोहम्मद रिझवान आणि सलमान अली आगा यांच्या खेळीमुळे हे लक्ष्य गाठले. या दोन खेळाडूंसमोर दक्षिण आफ्रिकेचे गोलंदाज टिकू शकले नाहीत आणि पाकिस्तानने डोंगराळ लक्ष्याचा सहज पाठलाग केला.

353 धावांच्या लक्ष्याचा पाठलाग करून, पाकिस्तानने एकदिवसीय क्रिकेटच्या इतिहासातील सर्वात मोठे लक्ष्य गाठले आहे. यापूर्वी, पाकिस्तानने 2022 मध्ये ऑस्ट्रेलियाविरुद्ध एका एकदिवसीय सामन्यात 349 धावांचे लक्ष्य गाठले होते. आता एकदिवसीय सामन्यात, मोहम्मद रिझवानच्या नेतृत्वाखाली, पाकिस्तानी संघाने पहिल्यांदाच 350 पेक्षा जास्त धावांचे लक्ष्य गाठून एक नवा इतिहास रचला आहे. याआधी पाकिस्तानी संघाला एकदिवसीय क्रिकेटमध्ये अशी कामगिरी करता आली नव्हती.

???? PAKISTAN CHASE DOWN 353 RUNS AGAINST SOUTH AFRICA ????

Mohammad Rizwan – 122*(128)
Salman Agha – 134(103)

91 for 3 to 355 for 4 – one of the remarkable run chase in Pakistan history. ???? pic.twitter.com/e9mREIz6UN

— Johns. (@CricCrazyJohns) February 12, 2025

पाकिस्तानची सुरुवात चांगली झाली नाही. बाबर आझम (23 धावा) आणि सौद शकील (15 धावा) कामगिरी करण्यात अपयशी ठरले. फखर झमानने निश्चितच चांगली सुरुवात केली, पण तो त्याचे मोठ्या डावात रूपांतर करू शकला नाही आणि 41 धावा करून पॅव्हेलियनमध्ये परतला. अशा परिस्थितीत पाकिस्तानी संघ संकटात सापडलेला दिसत होता. पाकिस्तानचा पराभव निश्चित दिसत होता. पण त्यानंतर कर्णधार मोहम्मद रिझवान (122 धावा) आणि सलमान अली आगा (134 धावा) यांनी उत्कृष्ट फलंदाजी केली. दोन्ही खेळाडूंनी शतके झळकावली आणि पाकिस्तानी संघाला विजय मिळवून दिला.

दक्षिण आफ्रिकेच्या संघाकडून टेम्बा बावुमाने 82 धावा आणि टोनी डी जियोर्गीने 22 धावा केल्या. मॅथ्यूज ब्रीट्झकेने 83 धावांचे योगदान दिले lj हेनरिक क्लासेनने 87 धावांचे योगदान दिले. आफ्रिकन संघासाठी तीन खेळाडूंनी अर्धशतके झळकावली आणि या खेळाडूंमुळेच संघ हिमालयाइतका मोठा धावा करू शकला. प्रथम फलंदाजी करताना आफ्रिकेने 352 धावा केल्या. पाकिस्तानकडून शाहीन आफ्रिदीने सर्वाधिक दोन विकेट्स घेतल्या.

हेही वाचा-

टीम इंडियाने 14 वर्षांनंतर रचला नवा इतिहास, रोहित शर्माच्या नेतृत्वाखाली मोठी कामगिरी!
RCB च्या नेतृत्वाची नवी धुरा कोणाच्या हाती? जाणून घ्या लेटेस्ट अपडेट्स
आता दुबईत फडकणार तिरंगा; चॅम्पियन्स ट्रॉफीपूर्वी टीम इंडियाचा जबरदस्त फॉर्म