चॅम्पियन्स ट्रॉफीचा वाद अजून संपलेला नाही तोपर्यंत पाकिस्तानला आणखी एक मोठा धक्का बसला आहे. मीडिया रिपोर्ट्सनुसार, इंग्लंड क्रिकेट बोर्डाने देशांतर्गत हंगाम लक्षात घेऊन स्टार खेळाडूंना पाकिस्तान सुपर लीगमध्ये भाग घेण्यास नकार दिला आहे. यामागचे मुख्य कारण म्हणजे इंग्लंडमधील देशांतर्गत टी20 स्पर्धा पीएसएलदरम्यानच सुरू होणार आहे. आपल्या स्टार क्रिकेटपटूंनी इतरत्र भाग घेण्याऐवजी व्हिटॅलिटी ब्लास्ट आणि द हंड्रेडसारख्या देशांतर्गत स्पर्धांकडे लक्ष द्यावे अशी बोर्डाची इच्छा आहे.
ईसीबीच्या (ECB) नवीन मार्गदर्शक तत्त्वांनुसार, इंग्लंडच्या ज्या क्रिकेटपटूंचा ईसीबीशी करार आहे. देशांतर्गत हंगामात ते क्रिकेटपटू इतर कोणत्याही विदेशी लीगमध्ये सहभागी होणार नाही. एवढेच नाही तर एखाद्या खेळाडूचा संघ देशांतर्गत हंगामात याआधीच स्पर्धेतून बाहेर पडला असेल आणि त्या खेळाडूला दुसऱ्या देशात जाऊन लीगमध्ये भाग घ्यायचा असेल तर तो तसे करू शकत नाही. यावरून हे स्पष्ट होते की आता क्वचितच कोणीही इंग्लिश क्रिकेटर पीएसएलमध्ये भाग घेऊ शकणार आहे. कारण दोन्ही स्पर्धा एकाच वेळी सुरू होतात.
???? NO ENGLAND PLAYERS IN PSL & OTHER T20 LEAGUES EXCEPT IPL ????
– England Cricket Board has decided to ban their players to participate in PSL & other T20 leagues except IPL. (The Telegraph). pic.twitter.com/ciHoVNrTrr
— Tanuj Singh (@ImTanujSingh) November 30, 2024
आता प्रश्न पडतो की ईसीबीच्या या नवीन मार्गदर्शक तत्वाचा त्यांना कसा फायदा होणार आहे? त्यामुळे आपल्या देशांतर्गत स्पर्धांचा दर्जा वाढवणे हा बोर्डाच्या या नियमामागचा मुख्य उद्देश आहे. या स्पर्धेत आपल्या प्रमुख खेळाडूंनी सहभाग घेतल्यास चाहत्यांची उत्सुकता वाढेल, असा त्यांचा विश्वास आहे.
दरम्यान आता ईसीबीच्या नव्या मार्गदर्शक तत्त्वांचा आयपीएलवरही परिणाम होईल का?, असा प्रश्न उपस्थित होत आहे. तर याचे उत्तर नाही असे आहे. कारण आयपीएलच्या वेळी जवळपास जगभरात कोणतीही मोठी स्पर्धा खेळवली जात नाही. अशा परिस्थितीत इंग्लंडसह सर्व देशांचे खेळाडू येथे आपली प्रतिभा दाखवण्यासाठी उपलब्ध आहेत.
हेही वाचा-
दुसऱ्या कसोटीसाठी दोन प्राणघातक गोलंदाज ऑस्ट्रेलियन संघात सामील, एकाचा फिलिप ह्यूजशी संबंध
केन विल्यमसननं रचला इतिहास, न्यूझीलंडसाठी अशी कामगिरी करणारा पहिलाच फलंदाज
इशान किशनची 334.78 च्या स्ट्राईक रेटने ऐतिहासिक खेळी, झारखंडचा विश्वविक्रम!
