पाकिस्तानचा माजी कर्णधार आणि स्टार फलंदाज बाबर आझमने टी20 क्रिकेटमध्ये आणखी एक मोठी कामगिरी केली आहे. शुक्रवार (13 डिसेंबर) रोजी सेंच्युरियनच्या सुपरस्पोर्ट पार्कवर दक्षिण आफ्रिकेविरुद्ध खेळल्या गेलेल्या दुसऱ्या टी20 सामन्यात बाबरने सर्वात जलद 11 हजार धावा पूर्ण करण्याचा विक्रम केला. या बाबतीत त्याने वेस्ट इंडिजचा महान फलंदाज ख्रिस गेलला मागे टाकले. बाबरने केवळ 298 डावात ही कामगिरी केली आहे.
टी20 मध्ये सर्वात जलद 11,000 धावा करणाऱ्यांच्या यादीत डेव्हिड वॉर्नर आणि विराट कोहली अनुक्रमे तिसऱ्या आणि चौथ्या स्थानावर आहेत. बाबर आझमच्या या कामगिरीने त्याला टी20 क्रिकेटच्या इतिहासात नव्या उंचीवर नेले आहे.
टी20 मध्ये सर्वात जलद 11,000 धावा करणारा फलंदाज
बाबर आझम – 298 डाव
ख्रिस गेल – 314 डाव
डेव्हिड वॉर्नर – 330 डाव
विराट कोहली – 337 डाव
बाबर आझमच्या नावावर टी20 मध्ये सर्वात जलद 7,000, 9,000 आणि 10,000 धावा पूर्ण करण्याचा विक्रमही आहे. आता सर्वात जलद 11,000 धावा करणारा तो पहिला फलंदाज ठरला आहे. या विक्रमासह बाबरने टीकाकारांना चोख प्रत्युत्तर दिले आहे.
बाबर आझमने नुकतेच आंतरराष्ट्रीय क्रिकेटमध्ये 14 हजार धावा पूर्ण केल्या आहेत. ही कामगिरी करणारा तो पाचवा पाकिस्तानी फलंदाज ठरला आहे. त्याच्या आधी इंझमाम-उल-हक, युनूस खान, मोहम्मद युसूफ आणि जावेद मियाँदाद यांनी ही कामगिरी केली आहे.
Babar Azam completed 14,000 runs in International cricket. ????
– One of the finest from Pakistan…!!! pic.twitter.com/IaqrQm0xbr
— Johns. (@CricCrazyJohns) December 13, 2024
बाबर आझमच्या आंतरराष्ट्रीय करिअरबाबत बोलायचे झाल्यास त्याने आतापर्यंत 55 कसोटी सामने खेळले आहेत. या 55 सामन्यांमध्ये बाबरने 43.92 च्या सरासरीने 3997 धावा केल्या आहेत. याशिवाय बाबर आझमने 120 एकदिवसीय सामने खेळले आहेत. या 120 सामन्यांमध्ये बाबरने 56.95 च्या सरासरीने 5809 धावा केल्या आहेत. बाबर आझमने 128 टी-20 आंतरराष्ट्रीय सामन्यांमध्ये 129.22 च्या स्ट्राईक रेटने 4223 धावा केल्या आहेत.
हेही वाचा-
मैदानात उतरताच विराट कोहलीने पूर्ण केले ‘शतक’, अशी कामगिरी करणारा दुसरा भारतीय
IND vs AUS: गौतम गंभीरचा ‘खास खेळाडू’ टीम इंडियातून बाहेर, प्लेइंग इलेव्हनमध्ये दोन मोठे बदल
SMAT; दिल्लीचा धुव्वा उडवत मध्य प्रदेशची फायनलमध्ये एँट्री…!
