टीम इंडिया यंदाच्या महिला टी20 विश्वचषक 2024 मधून बाहेर पडली आहे. पाकिस्तानच्या पराभवामुळे टीम इंडियाला या स्पर्धेची उपांत्य फेरी गाठता आली नाही. अ गटात भारत आणि पाकिस्तानचे संघ उपस्थित होते. याशिवाय ऑस्ट्रेलिया, न्यूझीलंड आणि श्रीलंकेचे महिला संघही या गटात सहभागी झाले होते. या गटातील शेवटचा सामना पाकिस्तान आणि न्यूझीलंडमध्ये खेळला गेला. ज्यात पाकिस्तानशिवाय टीम इंडियालाही उपांत्य फेरी गाठण्याच्या आशा होत्या. या बातमीद्वारे जाणून घेऊया स्पर्धेच्या उपांत्य फेरी कोणी गाठली.
पाकिस्तानच्या पराभवानंतर टीम इंडियाचे सेमीफायनल गाठण्याचे स्वप्न भंगले. जर पाकिस्तान संघाने न्यूझीलंडविरुद्धचा सामना जिंकला असता, तर भारताला नेट रन रेटनुसार उपांत्य फेरीत प्रवेश करण्याची संधी मिळाली असती. टीम इंडियाचा नेट रन रेट पाकिस्तानपेक्षा चांगला होता. न्यूझीलंडविरुद्ध जिंकल्यानंतर पाकिस्तानचे 4 पॉईंट्स झाले असते. न्यूझीलंड देखील 4 पॉईंट्सपर्यंत मर्यादित असली असती. अशाप्रकारे, टीम इंडियाची सर्वोत्तम नेट रन रेट असल्यामुळे उपांत्य फेरीपर्यंत मजल मारली असती.
न्यूझीलंडचा संघ अ गटातील दुसरा उपांत्य फेरीचा संघ ठरला. या गटात चारपैकी चारही सामने जिंकून ऑस्ट्रेलियाने प्रथमच उपांत्य फेरीत प्रवेश केला होता. त्यानंतर न्यूझीलंडने चारपैकी तीन सामने जिंकून उपांत्य फेरीतील स्थान निश्चित केले.
तर गट-ब मध्ये वेगवेगळी गणिते पाहायला मिळत आहेत. या गटात इंग्लंड, दक्षिण आफ्रिका, वेस्ट इंडिज, बांग्लादेश आणि स्कॉटलंडचे संघ आहेत. ज्यामधूत बांगलादेश आणि स्कॉटलंड बाहेर पडले आहेत. इंग्लंड, दक्षिण आफ्रिका आणि वेस्ट इंडिज यांच्यात उपांत्य फेरीची लढत सुरू आहे. आज म्हणजेच मंगळवार, 15 ऑक्टोबर रोजी या गटातील शेवटचा सामना इंग्लंड आणि वेस्ट इंडिज यांच्यात होणार असून त्यानंतर उपांत्य फेरीतील दोन्ही संघांचा निर्णय होणार आहे.
पहिला उपांत्य सामना गुरुवारी (17 ऑक्टोबर) रोजी दुबई आंतरराष्ट्रीय स्टेडियमवर संध्याकाळी 7.30 वाजता खेळवला जाईल. याशिवाय दुसरा उपांत्य सामना शुक्रवार (18 ऑक्टोबर) रोजी शाहजाह येथील शाहजाह क्रिकेट स्टेडियमवर होणार आहे. त्यानंतर स्पर्धेचा अंतिम सामना 20 ऑक्टोबर रोजी दुबई इंटरनॅशनल क्रिकेट दुबई येथे होणार आहे.
हेही वाचा-
इम्पॅक्ट प्लेअर नियमाला लाल दिवा! बीसीसीआयचा धक्कादायक निर्णय
PAKW vs NZW; पाकिस्तानच्या पराभवामुळे भारत टी20 विश्वचषकातून बाहेर
WT20 World Cup; भारतीय संघाचे टी20 वर्ल्ड कपचे स्वप्न भंगले; पुन्हा हाती निराशा…!
