भारताचा माजी यष्टीरक्षक पार्थिव पटेल पुन्हा एकदा क्रिकेटच्या मैदानात पुनरागमन करण्यासाठी सज्ज झाला आहे. वयाच्या ३७ व्या वर्षी पार्थिव लिजेंड्स लीग क्रिकेटमध्ये (LLC) दिसणार आहे. पार्थिव सप्टेंबरमध्ये खेळल्या जाणाऱ्या या लीगच्या दुसऱ्या सत्राचा भाग असेल. पार्थिव भारताचे माजी सलामीवीर वीरेंद्र सेहवाग, इरफान पठाण, युसूफ पठाण, हरभजन सिंग, माजी ऑस्ट्रेलियन वेगवान गोलंदाज ब्रेट ली, फिरकीपटू मुथय्या मुरलीधरन आणि विश्वचषक विजेता इंग्लंडचा माजी कर्णधार इयॉन मॉर्गन यांच्यासोबत सामील होईल.
पार्थिवने २००२ मध्ये आंतरराष्ट्रीय क्रिकेटमध्ये पदार्पण केले. त्यानंतर नॉटिंगहॅम येथील ट्रेंट ब्रिज येथे इंग्लंडविरुद्ध खेळल्या गेलेल्या कसोटी सामन्यात त्याने यष्टिरक्षणाची धुरा सांभाळली. त्याने २००३ मध्ये एकदिवसीय आणि २०११ मध्ये टी२० आंतरराष्ट्रीय पदार्पण केले. पार्थिवच्या कसोटीत एकूण ९३४ धावा आणि वनडेत ७३६ धावा आहेत. त्याने कसोटीमध्‍ये ६ अर्धशतके आणि एकदिवसीयमध्‍ये ४ अर्धशतके केले आहेत. डिसेंबर २०२० मध्ये त्याने क्रिकेटच्या प्रत्येक फॉरमॅटमधून निवृत्ती घेतली.
पार्थिव पटेल व्यतिरिक्त, इतर तीन माजी खेळाडू यामध्ये फिरकीपटू प्रज्ञान ओझा, अष्टपैलू रितींदर सोधी आणि वेगवान गोलंदाज अशोक डिंडा यांनी देखील लीगच्या खेळाडूंच्या मसुदा प्रक्रियेचा भाग असल्याचे पुष्टी केली आहे.
स्पर्धेचा सुरुवातीचा टप्पा ओमानमध्ये भारत, पाकिस्तान, श्रीलंका, ऑस्ट्रेलिया आणि इंग्लंडच्या माजी क्रिकेटपटूंनी भारत, आशिया आणि वर्ल्ड इलेव्हन या तीन संघांचे प्रतिनिधित्व केले होते. एलएलसीच्या दुसऱ्या सत्रात चार संघ आणि ११० माजी आंतरराष्ट्रीय क्रिकेटपटू खेळतील. एका मीडिया रिलीझनुसार, ऑस्ट्रेलियाचा माजी वेगवान गोलंदाज मिचेल जॉन्सन आणि श्रीलंकेचा माजी कर्णधार थिसारा परेरा देखील लीगमध्ये सामील झाले आहेत.
महास्पोर्ट्सचा व्हॉट्सअप ग्रूप जॉइन करण्यासाठी येथे क्लिक करा
महत्त्वाच्या बातम्या-
गांगुली-शहा यांना अजून थोडे दिवस राहुद्या; बीसीसीआयची कोर्टात धाव
बीएसएएम’कडून राष्ट्रीय पदकविजेते आणि अध्यक्ष राजन खिंवसरा यांचा सत्कार
ऍजबस्टन कसोटीतील वाद विसरून विराट-बेयरस्टोची ‘ग्रेटभेट’, हात मिळवण्याबरोबरच मिठीही मारली
