भारताचा यष्टीरक्षक फलंदाज रिषभ पंतने इंग्लंड दौऱ्याची धमाकेदार सुरुवात केली. एजबॅस्टन कसोटीत रिषभ पंतच्या शतकाचे दिग्गजांनी खूप कौतुक केले. मात्र, आतापर्यंत हा फलंदाज टी-२० आणि एकदिवसीय मालिकेत मौन बाळगून आहे. या खराब कामगिरीनंतर अनेक दिग्गजांनी ऋषभ पंतच्या खराब फॉर्मवर प्रश्नचिन्ह उपस्थित केले आहे. आता भारताचा माजी क्रिकेटपटू प्रज्ञान ओझाने रिषभ पंतवर मोठे वक्तव्य केले आहे.
‘रिषभ पंतमध्ये एकहाती सामने जिंकण्याची क्षमता आहे’
रिषभ पंत मर्यादित षटकांच्या क्रिकेटमध्ये खराब फॉर्ममधून जात असला तरी भारतीय संघाने या खेळाडूला पाठिंबा दिला पाहिजे, असे मत माजी भारतीय क्रिकेटपटू प्रज्ञान ओझा यांनी व्यक्त केले. तो म्हणाला की, “रिषभ पंतने एकहाती सामने जिंकण्याची क्षमता सिद्ध केली आहे. या माजी भारतीय खेळाडूने सांगितले की, जेव्हा रिषभ पंत धावा करतो तेव्हा या यष्टीरक्षक फलंदाजाचे शॉट्स पाहणे हा एक सुखद अनुभव असतो.”
‘भारतीय संघाने रिषभ पंतला परतवले’
यावेळी प्रज्ञान ओझा म्हणाला की, “भारतीय संघ व्यवस्थापनाने यावेळी रिषभ पंतला पाठिंबा द्यायला हवा. रिषभ पंतने सिद्ध केले आहे की तो स्वबळावर सामने जिंकू शकतो, त्यामुळे त्याला संधी मिळायला हवी. लक्षात घेण्यासारखे आहे की लॉर्ड्सवर खेळल्या गेलेल्या दुसऱ्या एकदिवसीय सामन्यात भारतीय संघाला १०० धावांनी पराभवाला सामोरे जावे लागले होते. त्याचवेळी, पहिल्या एकदिवसीय सामन्यात भारतीय संघाने यजमान इंग्लंडचा १० गडी राखून पराभव केला होता. त्यामुळे मालिका १-१ अशी बरोबरीत आहे. आता शेवटचा सामना जिंकणारा संघ मालिका जिंकेल.”
दरम्यान, सध्या भारतीय संघात विराट कोहली नंतर सर्वाधिक टीका रिषभ पंतवर केली जात आहे. सातत्याने अनेक सामन्यात प्रदर्शन करण्यास अपयशी ठरलेलल्या रिषभला वारंवार संघात स्थान देण्यावरून निवडकर्यांवर प्रश्नचिन्हे उपस्थित केली जात आहेत.
महास्पोर्ट्सचा व्हॉट्सअप ग्रूप जॉइन करण्यासाठी येथे क्लिक करा
महत्वाच्या बातम्या –
याला काय अर्थय! भारतीय खेळाडूंना साधे कॅचही पकडता येत नाहीत, ६ सामन्यात सोडलेत ‘एवढे’ झेल
न्यूझीलंडच्या गोलंदाजांना ३६० धावा पण पुरेना, आयर्लंडच्या फलंदाजांनी काढलाय घाम
