भारतातील अनेक राज्यांमध्ये मुसळधार पावसामुळे लोकांना अनेक समस्यांना तोंड द्यावे लागत आहे. हिमाचल प्रदेशपासून उत्तराखंडपर्यंत पावसाने कहर केला आहे. संपूर्ण उत्तर भारतात परिस्थिती बिकट आहे. पंजाबमधील बहुतेक लोक मान्सूनमुळे त्रस्त आहेत. देशभरातील सेलिब्रिटी आणि पंजाबी गायक पंजाबला मदत करण्यासाठी पुढे येत आहेत. अशा परिस्थितीत सर्व गायक आणि पंजाबी सेलिब्रिटी बचावकार्य करत आहेत. दरम्यान, आयपीएल फ्रँचायझी पंजाब किंग्जची मालकीण प्रीती झिंटानं सर्वांचे मन जिंकले आहे. पंजाब किंग्जने सुमारे 34 लाखा रुपयांची देणगी जाहीर केली आहे. इतकेच नाही तर ते क्राउडफंडिंगद्वारे पैसे उभारण्यात गुंतले आहे.
आयपीएल फ्रँचायझी पंजाब किंग्जने सोशल मीडियाद्वारे एक पोस्ट जारी केली आणि पूरग्रस्तांना मदत करण्यासाठी आरटीआय आणि हेमकुंड साहिबशी हातमिळवणी केली. फ्रँचायझी शक्य तितक्या मदत कार्यक्रम पुढे नेण्यास सक्षम असेल. दोन्ही संघटना एकत्रितपणे ‘टुगेदर फॉर पंजाब’ हा पुनर्वसन कार्यक्रम चालवतील. अशा परिस्थितीत, पंजाब किंग्जने प्रथम सुरुवात केली. फ्रँचायझीने 33.08 लाख रुपये देऊन त्याची सुरुवात केली.
पंजाब किंग्जची फ्रँचायझी एवढ्यावरच थांबली नाही, त्यांनी स्वतः सुमारे 34 लाख रुपये देणगी दिल्यानंतर आता त्यांनी 15 सप्टेंबरपर्यंत केटो क्राउडफंडिंग अॅपद्वारे सुमारे 2 कोटी रुपये उभारण्याचे लक्ष्य ठेवले आहे. पंजाब किंग्ज हे पैसे शीख चॅरिटी ग्लोबल शीखला देणार आहे. पंजाबमधील गावे आणि शहरे वाईट स्थितीत आहेत. राज्याची परिस्थिती पूर्णपणे बिकट झाली आहे. लोकांना त्यांचे घर सोडून स्थलांतर करावे लागत आहे, त्यांच्या गुरांना वाचवण्यातही अडचणी येत आहेत. इतकेच नाही तर फ्रँचायझीने असेही म्हटले आहे की दान केलेल्या निधीतून बचावासाठी बोटी देखील खरेदी केल्या जातील. ज्याचा वापर लोकांना बाहेर काढणे आणि त्यांना मदत साहित्य पोहोचवणे यासारख्या गोष्टींसाठी केला जाईल.
२०२५ च्या १८ व्या हंगामात श्रेयस अय्यरच्या नेतृत्वाखालील पंजाब किंग्जची कामगिरी खूप खास होती. २०२५ मध्ये पंजाब किंग्जने शानदार कामगिरी केली आणि आयपीएलच्या अंतिम सामन्यात आरसीबीकडून पराभव पत्करला. ही फ्रँचायझी स्पर्धा जिंकण्याच्या जवळ आली होती आणि आता जेव्हा अशी पूर परिस्थिती आहे. अशा परिस्थितीत, पुढे येऊन पुनर्वसन कार्यक्रम चालवणे आणि मदत करणे यावरून फ्रँचायझीच्या मालकाचे हृदय किती मोठे आहे हे दिसून येते.
