रवी शास्त्री क्रिकेट जगतातील सर्वात मनोरंजक व्यक्तिमत्त्वांपैकी एक आहेत. आपल्या स्पष्टवक्ते आणि अनोख्या स्वभावामुळे ते नेहमीच चर्चेत असतात. समालोचन असो किंवा वैयक्तिक आयुष्य, रवी शास्त्री यांची शैली त्यांना सर्वांपेक्षा वेगळी बनवते. आता त्यांनी सोशल मीडियावर एक अशी पोस्ट केली आहे, ज्याद्वारे त्यांनी पुन्हा एकदा चाहत्यांची मनं जिंकली आहेत.
रवी शास्त्री यांनी सोशल मीडिया प्लॅटफॉर्म ‘X’ वर एक फोटो शेअर केला, ज्यामध्ये ते निळ्या रंगाचा झगा परिधान करून हिरोसारखी पोज देताना दिसत आहेत. मात्र फोटोपेक्षाही जास्त लक्ष वेधून घेतं ते या पोस्टचं कॅप्शन. रवी शास्त्रींनी कॅप्शनमध्ये लिहिलं, “आय अ‍ॅम हॉटी, आय अ‍ॅम नॉटी, आय अ‍ॅम सिक्स्टी.” मराठीत याचा अर्थ होतो, “मी आकर्षक आहे, मी खोडकर आहे. मी 60 वर्षांचा आहे!”
रवी शास्त्रींनी थोड्या वेळानंतर त्याच निळ्या बाथ कपड्यातील आणखी एक फोटो शेअर केला, ज्यामध्ये ते बसलेले आहेत. पार्श्वभाग पाहता ते एखाद्या स्पामध्ये असल्याचं वाटतं. त्यांनी दुसऱ्या फोटोसोबतच्या कॅप्शनमध्ये लिहिलं की, “हा फोटो तुम्हाला माझ्याकडे आकर्षित करण्यासाठी पुरेसे आहे का?”
I am hottie, I am naughty, I am sixtyyyy 🥵 pic.twitter.com/oHBQw3WoIf
— Ravi Shastri (@RaviShastriOfc) April 10, 2024
रवी शास्त्री वयाच्या 60 व्या वर्षी त्यांच्या आयुष्याचा पुरेपूर आनंद घेत आहेत, ही चांगली बाब आहे. मात्र लोक कमेंट सेक्शनमध्ये त्यांची चांगलीच मस्करी करत आहेत. कोणी म्हणतंय की, रवी शास्त्री इतके हॉट आहेत की त्यांच्यामुळे आजकाल तापमान वाढत आहे. तर कोणी लिहित आहे की, ते ज्युदोचा सराव करत आहेत. त्यांचं अकाउंट हॅक झालं असावं, असंही कुणीतरी लिहिलंय.
रवी शास्त्री सहसा आपल्या सोशल मीडियावर क्रिकेट जगताशी संबंधित छायाचित्रं आणि गोष्टी शेअर करत असतात. मात्र त्यांच्या या नव्या स्टाइलनं सर्वांनाच आश्चर्याचा धक्का बसला आहे.
महत्त्वाच्या बातम्या-
बापरे! ताशी 140 किमी वेगाच्या चेंडूवर यष्टीचीत केलं! हेनरिक क्लासेनची आश्चर्यकारक कामगिरी
विश्वविजेत्या कर्णधारानं केलं अनकॅप्ड भारतीय खेळाडूचं कौतुक, पंजाबविरुद्ध एकहाती जिंकवला सामना
हैदराबादविरुद्ध पराभव का झाला? शिखर धवननं स्पष्टच सांगितलं; ‘या’ दोन खेळाडूंचं केलं कौतुक
