कोरोना व्हायरसमुळे दरवर्षी मार्च-एप्रिल महिन्यात होणारी आयपीएल स्पर्धा यावर्षी सप्टेंबर महिन्यात सुरू झाली होती. तत्पूर्वी आयपीएलच्या या हंगामाच्या आयोजनावर प्रश्नचिन्ह निर्माण झाले होते. मात्र, भारतीय क्रिकेट नियामक मंडळाचा (बीसीसीआय) अध्यक्ष सौरव गांगुलीने पुढाकार घेत आयपीएल २०२०चे आयोजन केले. त्याच्या या कामगिरीचे सर्वांनी तोंडभरुन कौतुकही केले. परंतु भारतीय संघाचे मुख्य प्रशिक्षक रवी शास्त्री यांनी गांगुलीला याचे श्रेय दिलेले नाही.
रवी शास्त्रींचे खळबळजनक ट्विट
मंगळवारी (१० नोव्हेंबर) मुंबई इंडियन्स आणि दिल्ली कॅपिटल्स यांच्यात आयपीएल २०२०ची अंतिम लढत झाली. यानंतर अनेक माजी क्रिकेटपटूंनी आयपीएलच्या यशस्वी आयोजनासाठी बीसीसीआयची प्रशंसा केली. माजी भारतीय क्रिकेटपटू रवी शास्त्रींनीही यासंदर्भात ट्वीट केले. त्यांनी लिहिले की, “बीसीसीआयचे सचिव जय शहा, आयपीएलचे अध्यक्ष ब्रिजेश पटेल, बीसीसीआयचे अंतरिम सीईओ हेमांग अमीन आणि सहयोगी मेडिकल स्टाफला शुभेच्छा. तुमच्या प्रयत्नांमुळे आणि सहयोगामुळे अशक्य गोष्ट शक्य झाली.”
परंतु या ट्विटमध्ये शास्त्री यांनी गांगुलीचे नाव लिहिले नाही. त्यामुळे शास्त्री गांगुलीचे नाव खरोखर विसरले? का त्यांनी मुद्दाम त्याचे नाव लिहिले नाही?, अशा चर्चा सोशल मीडियावर रंगल्या आहेत. कित्येक चाहत्यांनीही शास्त्री यांच्या ट्विटला ‘तुम्ही दादा म्हणजे सौरव गांगुलीला टॅग करायला विसरलात का?’ अशी प्रतिक्रिया दिली आहे.
Take a BOW @JayShah, Brijesh Patel, @hemangamin and the medical staff of the @BCCI for pulling off the impossible and making it a Dream @IPL #IPL2020 #IPLfinal pic.twitter.com/5rL6oqOLmC
— Ravi Shastri (@RaviShastriOfc) November 10, 2020
शास्त्री-गांगुलीमधील खुन्नस कायम
रवी शास्त्री आणि सौरव गांगुलीमध्ये खुन्नस पाहायला मिळणे काही नवे नाही. २०१६मध्ये अनिल कुंबळे यांना संघाचा प्रशिक्षक बनवल्यानंतर या दोन्ही भारतीय दिग्गजांमध्ये वादाला सुरुवात झाली. त्यावेळी भारतीय संघाच्या प्रशिक्षकाची निवड करण्यासाठी सल्लागार समितीची मदत घेण्यात आली होती. यामध्ये गांगुलीव्यतिरिक्त व्हीव्हीएस लक्ष्मण आणि सचिन तेंडुलकरही होते.
तरीही शास्त्रींनी आपली प्रशिक्षकपदी निवड न झाल्याचे खापर गांगुलीच्या डोक्यावर फोडले होते. कदाचित याच गोष्टीची खुन्नस शास्त्रींच्या मनात असावी.
महत्वाच्या बातम्या-
IPL 2021मध्ये नव्या संघाचे होणार आगमन?, वाचा सविस्तर
“मी त्याग करायला पाहिजे होता,” स्वत:च्या चुकीमुळे सूर्यकुमारची विकेट गेल्यानंतर रोहितचे मोठे विधान
“सूर्यकुमार यादव होईल मुंबई इंडियन्सचा पुढील कर्णधार”, पाहा कोणी केलीय भविष्यवाणी
ट्रेंडिंग लेख-
आयपीएल २०२०मधील ५ खेळाडू; ज्यांनी सिंहाचा वाटा उचलत गाजवले मैदान
आयपीएल २०२०: एकेकाळी मैदान गाजवणारे ५ मोठे खेळाडू; या हंगामात ठरले सपशेल फ्लॉप
रामराम आणि पुन्हा भेटू! आयपीएल २०२० ला अलविदा करत असताना एक नजर या स्पर्धेतील महत्वाच्या घटनांवर