‘त्याला डिलीट कर यार…’, पंतच्या इंस्टा लाईव्हदरम्यान रोहितचे लक्षवेधी भाष्य

भारतीय संघ सध्या वेस्ट इंडीजमध्ये आहे. संघाला त्याठिकाणी तीन सामन्यांची एकदिवसीय आणि पाच सामन्यांची टी-२० मालिका खेळायची आहे. एकदिवसीय मालिकेत भारताने ०-२ अशी विजयी आघाडी घेतली असून आता संघ टी-२० मालिका नावावर करण्याच्या प्रयत्नात आहे. टी-२० मालिकेसाठी कर्णधार रोहित शर्मा आणि रिषभ पंत त्रिनिदादमध्ये दाखल झाले असून सोशल मीडियावर त्यांची चांगलीच चर्चा होत आहे.

युवा यष्टीरक्षक फलंदाज रिषभ पंत (Rishabh Pant) त्रिनिदादमध्ये पोहोचल्यानंतर त्याने  संघातील सहकाऱ्यांसोबत इंस्टाग्राम लाईव्ह केले. यामध्ये कर्णधार रोहित शर्मा (Rohit Sharma), सूर्यकुमरा यादव आणि युझवेंद्र चहल (Yuzvendra Chahal) सहभागी झाले होते. यावेळी काही घडले, ज्यामुळे रोहितने पंतकचे लाईव्हमधून चहलला बाहेर काढण्याची मागणी केली. रोहितचा हा मजेशीर स्वाभाव चाहत्यांना चांगलाच भावल्याचे दिसत आहे.

चाहत्यांसोबत चर्चा करण्यासाठी रिषभ पंतने रोहित आणि सूर्यकुमारला सोबत घेतले. त्यानंतर पंतने युझवेंद्र चहलला देखील लाईव्हमध्ये घेतले. या चौघांमधील मजेशीर चर्चा पाहून चाहत्यांचे चांगलेच मनोरंजन झाले. चौघांमध्ये थोडा वेळ चर्चा झाल्यानंतर रोहितने चहलला लाईव्हमधून काढण्याची मागणी केली. रोहित पंतला म्हणाला की, “युझीला डिलीट कर ना यार.”

https://twitter.com/GOATED_ROHIT/status/1551966454366769157?s=20&t=nS-LU6qcyRhpK-dDvBya2g