भारत विरुद्ध इंग्लंड यांच्यातील तीन सामन्यांच्या एकदिवसीय मालिकेतील शेवटचा सामना आज म्हणजेच बुधवार, 12 फेब्रुवारी रोजी खेळला जाईल. या सामन्यात सर्वांच्या नजरा भारतीय कर्णधार रोहित शर्मा आणि माजी कर्णधार विराट कोहलीवर असतील. कटकमध्ये खेळल्या गेलेल्या मालिकेतील दुसऱ्या सामन्यात रोहित शर्माने शानदार शतक झळकावले तर विराट कोहली फ्लॉप दिसला. आता तिसऱ्या एकदिवसीय सामन्यात, हिटमॅन फक्त 13 धावा करून एक मोठा विक्रम करेल आणि कोहलीला 89 धावा करावे लागेल.
खरंतर, रोहित शर्मा 11000 एकदिवसीय धावांच्या जवळ आहे आणि विराट कोहली 14000 एकदिवसीय धावांच्या जवळ आहे. हिटमॅन म्हणून प्रसिद्ध असलेल्या रोहित शर्माने आतापर्यंत त्याच्या एकदिवसीय कारकिर्दीत 10987 धावा केल्या आहेत. अशा परिस्थितीत त्याला 11 हजार धावा पूर्ण करण्यासाठी फक्त 13 धावांची आवश्यकता आहे. आतापर्यंत जगातील फक्त 9 फलंदाजांनी एकदिवसीय क्रिकेटमध्ये 11 हजार किंवा त्याहून अधिक धावा केल्या आहेत. रोहित शर्मा या यादीतील 10 वा फलंदाज होण्यापासून फक्त काही पावले दूर आहे.
तर विराट कोहलीला 14000 एकदिवसीय धावा पूर्ण करण्यासाठी 89 धावांची आवश्यकता आहे. आता जगातील फक्त 2 फलंदाजांनी एकदिवसीय क्रिकेटमध्ये 14 हजार धावांचा टप्पा ओलांडला आहे. आता विराट कोहली या यादीत समाविष्ट होणारा जगातील तिसरा फलंदाज बनू शकतो.
विराट कोहली- किंग कोहलीने आतापर्यंत त्याच्या कारकिर्दीत 296 एकदिवसीय सामने खेळले आहेत. या सामन्यांमधील 284 डावांमध्ये फलंदाजी करताना त्याने 57.96 च्या सरासरीने 13911 धावा केल्या आहेत. आतापर्यंत त्याने 50 शतके आणि 72 अर्धशतके झळकावली आहेत. ज्यामध्ये त्याची सर्वोच्च धावसंख्या 183 धावा आहे.
रोहित शर्मा- भारतीय कर्णधार रोहितने आतापर्यंतच्या कारकिर्दीत 267 एकदिवसीय सामने खेळले आहेत. या सामन्यांच्या 259 डावांमध्ये त्याने 49.56 च्या सरासरीने 10987 धावा केल्या आहेत. आतापर्यंत त्याने 32 शतके आणि 57 अर्धशतके झळकावली आहेत. ज्यामध्ये त्याची सर्वोच्च धावसंख्या 264 धावा आहे.
हेही वाचा-
CT 2025; भारत-पाकिस्तानसह मोठ्या संघांना धक्का, या 9 खेळाडूंची ट्रॉफीपूर्वी एक्झिट
चॅम्पियन्स ट्रॉफीपूर्वी अफगाणिस्तानला मोठा धक्का, फिरकी हुकमी एक्का बाहेर!
चॅम्पियन्स ट्रॉफीपूर्वी टीम इंडियाला धक्का, यशस्वीच्या जागी या खेळाडूची एंट्री!
