रोहित शर्माने आयपीएल 2025 मध्ये फलंदाजीने चांगली कामगिरी केली आहे. रोहितने आतापर्यंत 12 सामन्यांमध्ये 150 पेक्षा जास्त स्ट्राईक रेटने 305 धावा केल्या आहेत, ज्यामध्ये 3 अर्धशतकांचा समावेश आहे. रोहित या हंगामात मुंबईसाठी सर्वाधिक धावा करणारा तिसऱ्या क्रमांकाचा फलंदाज आहे. रायन रिकेल्टन (361) आणि सूर्यकुमार यादव (583) यांनी त्याच्यापेक्षा जास्त धावा केल्या आहेत.
रोहित शर्मा जयपूरमध्ये पंजाब किंग्जविरुद्ध खेळल्या जाणाऱ्या आयपीएल 2025 च्या 69 व्या सामन्यात मोठा रेकाॅर्ड करताना दिसेल. रोहित 7000 धावांच्या जवळ आहे. खरं तर, रोहित शर्मा आयपीएलमध्ये खूप मोठा टप्पा गाठण्याच्या मार्गावर आहे. जर रोहितने पंजाब किंग्जविरुद्ध 67 धावा केल्या तर तो आयपीएलमध्ये त्याचे 7000 धावा पूर्ण करेल. असे करणारा तो जगातील दुसरा फलंदाज ठरेल. आतापर्यंत फक्त एकाच फलंदाजाने आयपीएलमध्ये 7000 धावांचा टप्पा ओलांडला आहे. त्या फलंदाजाचे नाव विराट कोहली आहे.
विराट आयपीएलमध्ये सर्वाधिक धावा करणारा फलंदाज आहे. त्याने 8000 पेक्षा जास्त धावा केल्या आहेत. त्यानंतर हिटमॅन दुसऱ्या स्थानावर आहे, जो 7000 धावा पूर्ण करण्याच्या अगदी जवळ आहे. या हंगामात त्याच्याकडे हा आकडा गाठण्याची उत्तम संधी आहे कारण मुंबई इंडियन्सने प्लेऑफमध्ये आपले स्थान निश्चित केले आहे. रोहित शर्मानंतर शिखर धवन तिसऱ्या स्थानावर आहे. तथापि, धवनने व्यावसायिक क्रिकेटला अलविदा म्हटले आहे.
आयपीएलच्या इतिहासात सर्वाधिक धावा करणारा फलंदाज
विराट कोहली – 8552
रोहित शर्मा – 6933
शिखर धवन – 6769
डेव्हिड वॉर्नर – 6565
सुरेश रैना – 5528
एमएस धोनी – 5439
रोहित शर्मा आयपीएलमध्ये सर्वाधिक षटकार मारणारा दुसरा फलंदाज आहे. रोहित आयपीएलमध्ये 300 षटकार मारण्याच्या आकड्यापासून फक्त 3 षटकार दूर आहे. आजच्या सामन्यात त्याला हा खास टप्पा गाठण्याची उत्तम संधी असेल. पंजाबविरुद्ध 3 षटकार मारताच, तो ख्रिस गेलनंतर आयपीएलमध्ये 300 षटकार मारणारा जगातील दुसरा फलंदाज बनेल. गेलने आयपीएलमध्ये सर्वाधिक षटकार मारले आहेत. त्याच्या नावावर 357 षटकार आहेत.
आयपीएलमध्ये सर्वाधिक षटकार मारणारे फलंदाज
ख्रिस गेल – 357
रोहित शर्मा – 297
विराट कोहली – 291
एमएस धोनी – 264
एबी डिव्हिलियर्स – 251
डेव्हिड वॉर्नर – 236
