भारतीय क्रिकेट चाहत्यांसाठी एक आनंदाची बातमी आहे. कर्णधार रोहित शर्माने इंग्लंडविरुद्धच्या टी२० मालिकेसाठी तयारी सुरू केली आहे. यापूर्वी त्यांना कोरोनाची लागण झाल्याचे आढळून आले होते. त्यामुळे रोहित भारत आणि इंग्लंड यांच्यात एजबॅस्टन येथे खेळल्या जाणाऱ्या कसोटी सामन्याचा भाग होऊ शकला नाही. कोरोना पॉझिटिव्ह आल्यापासून ते आयसोलेशनमध्ये होते. पण, आता तो कोरोनामधून बरा झाला आहे आणि नेट सेशनमध्ये त्याला घाम फुटू लागला आहे. रोहित शर्माच्या सरावाचा व्हिडिओ बीसीसीआयने आपल्या ट्विटर अकाऊंटवरून शेअर केला आहे.
बीसीसीआयने शेअर केलेल्या व्हिडिओमध्ये रोहित शर्मा ऑफस्पिनर आर अश्विनच्या चेंडूवर सराव करताना दिसत आहे. रोहितची देहबोली पाहता तो आता पूर्णपणे तंदुरुस्त झाला असून गोलंदाजांचा समाचार घेण्यास सज्ज झाला आहे. कोरोनामुळे रोहित टी२० मालिकेपूर्वी काऊंटी संघांविरुद्ध खेळल्या गेलेल्या दोन सराव सामन्यांमध्येही भाग घेऊ शकला नाही. दुसऱ्या सराव सामन्यात भारताने नॉर्थम्प्टनशायरचा १० धावांनी पराभव केला. या सामन्यात हर्षल पटेलच्या अर्धशतकाच्या जोरावर भारताने २० षटकात १४९ धावा केल्या. यानंतर नॉर्थम्प्टनशायरचा डाव १३९ धावांवर संपुष्टात आला. या सामन्यात हर्षलने २ बळीही घेतले.
.@ImRo45 – out and about in the nets! 👏 👏
Gearing up for some white-ball cricket. 👌 👌#TeamIndia | #ENGvIND pic.twitter.com/nogTRPhr9a
— BCCI (@BCCI) July 4, 2022
भारत आणि इंग्लंड यांच्यात ७ जुलैपासून टी२० मालिका
तुम्हाला सांगतो की, इंग्लंडविरुद्धची टी२० मालिका ७ जुलैपासून सुरू होणार आहे. या सामन्यात रोहित भारतीय फलंदाजीची कमान सांभाळणार आहे, कारण विराट कोहली, रिषभ पंत पहिल्या टी२० मध्ये खेळणार नाहीत. हे दोन्ही खेळाडू एजबॅस्टन कसोटी खेळत आहेत, जी ५ जुलै रोजी संपणार आहे. पहिला टी२० फक्त २ दिवसांनी होणार आहे. त्यामुळे विराट आणि पंत यात सहभागी होणार नाहीत. भारत आणि इंग्लंड यांच्यातील दुसरा सामना बर्मिंगहॅममध्ये तर तिसरा टी२० सामना नॉटिंगहॅममध्ये खेळवला जाईल. यानंतर १२ जुलैला पहिला वनडे लंडनमध्ये, दुसरा एकदिवसीय सामना लॉर्ड्समध्ये आणि तिसरा एकदिवसीय सामना मँचेस्टरमध्ये खेळवला जाईल.
पहिल्या टी साठी भारतीय संघ:
रोहित शर्मा (कर्णधार), इशान किशन, ऋतुराज गायकवाड, दीपक हुडा, संजू सॅमसन, सूर्यकुमार यादव, हार्दिक पंड्या, व्यंकटेश अय्यर, राहुल त्रिपाठी, दिनेश कार्तिक (यष्टीरक्षक), युझवेंद्र चहल, अक्षर पटेल, रवी बिश्नोई, भुवनेश्वर कुमार, हर्षल पटेल, आवेश खान, अर्शदीप सिंग, उमरान मलिक.
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्त्वाच्या बातम्या-
‘पंत अन् जडेजाची भागिदारी, जगात भारी!’ खुद्द ‘मिस्टर ३६०’नेच केलीये तारीफ
भारताला अजूनही पाचव्या कसोटीत विजयाची संधी! वाचा काय सांगतोय क्रिकेटचा इतिहास
ऍलेक्स लीसच्या विकेटनंतर दिसले कोहलीचे ‘विराट’ रूप, जल्लोष पाहून अंगात संचारेल उर्जा!!
