fbpx
Maha Sports
Marathi Sports News Updates

सचिनची विकेट गेल्यावर सेहवाग अंपायर शेजारी जाऊन बसला,असे काय घडले होते बेंगलोर कसोटीत?

Sachin Tendulkar Stump Out First Time In Test Due To Virender Sehwag

मास्टर ब्लास्टर सचिन तेंडुलकरने त्याच्या क्रिकेट कारकिर्दीत विक्रमांचा ढीग रचला आहे. त्याचे अनेक असे विक्रम आहे, जे कोणत्याही फलंदाजाने मोडणे अशक्य आहे. सचिनच्या विक्रमांपैकी एक असाच एक विक्रम म्हणजे, त्याचा २०० कसोटी सामने खेळण्याचा विक्रम.

सचिनने जरी त्याच्या कसोटी कारकिर्दीत २०० कसोटी सामने खेळले असले, तरी तो फक्त एकदा यष्टीचीत झाला आहे. महत्त्वाचे म्हणजे, तो स्वत: नाही तर नॉन स्टायकर बाजूला असणाऱ्या विरेंद्र सेहवागमुळे यष्टीचीत झाला होता. आपल्या चुकिमुळे सचिनची विकेट गेली म्हणून सेहवाग खूप घाबरला होता. या गोष्टीचा सेहवागने तब्बल १६ वर्षांनंतर एका चॅनलच्या लाइव्ह शोमध्ये खुलासा केला होता.  Sachin Tendulkar Stump Out First Time In Test Due To Virender Sehwag.

ती घटना घडली होती २००१मध्ये. त्यावेळी इंग्लंड संघ भारत दौऱ्यावर आला होता आणि दोन्ही संघात 3 सामन्यांची कसोटी मालिका झाली होती. या मालिकेतील शेवटच्या कसोटी सामन्यात भारताच्या पहिल्या डावात सचिन आणि सेहवाग फलंदाजी करत होते. सेहवाग फटकेबाजी करत चौकारांवर चौकार मारत होता. तर, सचिन मात्र खूप वेळापासून ९० धावांवरच अटकला होता. इंग्लंडचा गोलंदाज ऍशले जाइल्स सामन्यातील ७३वे षटक टाकण्यासाठी आला होता.

याविषयी बोलताना सेहवाग म्हणाला, “जेव्हा सचिन खूप वेळापासून धावा घेऊ शकत नव्हता. तेव्हा मला राहावले नाही आणि सचिन पाजीकडे जाऊन त्याला म्हणालो, पाजी चेंडू स्पिन होत नाहीये. मग तू स्टेप आउट करुन का शॉट मारत नाही. एकदा जर तू शॉट मारलास तर खेळायला सोपे जाईल. मला पाजीला पुढे येऊन खेळण्यासाठी तयार करायला २-३ षटके लागली. परंतु हे सचिनचे दुर्भाग्य होते की, ज्या चेंडूवर त्याने पुढे येऊन शॉट मारायचा प्रयत्न केला. तोच चेंडू स्पिन झाला आणि पाजी यष्टीचीत झाले. हे पाहताच मी माझे तोंड दुसऱ्या बाजूला केले.”

“त्यानंतर टी ब्रेक झाला होता. बेंगलोरच्या स्टेडियममध्ये ड्रेसिंग रूम वरती आहेत. पण, मी ड्रेसिंग रुममध्ये गेलोच नाही. खाली पंचांच्या खोलीत बसून राहिलो. जेव्हा मला येऊन सांगण्यात आले की, वरती जा तुला मार पडणार नाही. तेव्हा मी वरती गेलो होतो.”

त्या सामन्यात सेहवागने ६६ धावा केल्या होत्या. तो सामना अनिर्णित राहिला होता.

ट्रेंडिंग घडामोडी-

१०० कसोटी कर्णधार म्हणून खेळलेला क्रिकेटर म्हणतोय, गांगुलीला करा…

एक नाही, दोन नाही; तब्बल ५१ वर्ष आहे अबाधित या भारतीयाचा कसोटी विक्रम

७ का दम! कॅप्टन कूल धोनीच्या ७ नंबरच्या जर्सीची रोमांचक कहानी

You might also like